تازه مطالب
کور / ادبي برخه / دشهيدانو سپارښتنه / مفتون
مفتون صاحب

دشهيدانو سپارښتنه / مفتون

شعر / مفتون

زمونږهدف زمونږ ارمان ملګرو
در امانت دي د کاروان ملکرو 

پام به کوئ چې درنه مړاوى نه شي
زمونږ د هيلوګلستان ملګرو

دا د راحت او دغفلت شپې نه دي
ګرم ساتئ دجنګ مېدان ملګرو 

ورځ دقامت هېرول نه دي پکار
غيرت پکار دى په قرآن ملګرو

په ظالمانو ورمېګونه تاٶ کړئ
چې مطمئن شي مظلومان ملګرو

د امېد سترګې غړوي تاسې ته
دوحشت غېژکې اسيران ملګرو

مونږه ځوانۍ د رب رضاته ورکړې
په هيچا نه کوو احسان ملګرو 

خو دا يوه خبره ياد وساتئ
چې ډېرعجيب دى امتحان ملګرو

فتحې به راشي خوشالۍ به راشي
خو چې هېر نکړئ شهيدان ملګرو

مفتون کمزورى دى بښنه غواړي
اى دسنګر او د زندان ملګرو

تبصره پريږدئ

ستاسو برېښناليک به نه خپريږي. غوښتل شوي تش ځايونه ډک کړئ، *

*