طالبانو دولت اباد کې يوه پوسته نيولې- پنځه پوليس وژل شوي

35
نيول شوې پوسته

(کابل ټکی کام ۱۳۹۶تله ۲۰): وسله والو طالبانو تېره شپه د فارياب ولايت په دولت اباد ولسوالۍ کې د دولتي ځواکونو په پوسته وسله وال بريد کړی، چې په پايله کې يې يوه پوسته نيولې ده.

طالبانو کابل ټکی کام ته په رالېږلې خبرپاڼه کې ويلي، چې په دغه جګړه کې د پوستې د قومندان په ګډون پنځه پوليس وژل شوي دي.

دغه راز په پوسته کې له دولتي ځوکونو څخه دوه پيکا، دوه راکټ، ۸ ميله کلاشنکوفونه او په زياته اندازه مهمات او پوځي توکي هم د طالبانو لاس ته لوېدلي دي.

يوې سيمه ييزې امنيتي سرچينې د نوم نه ښودلو په شرط د بريد د تائيد ترڅنګ ويلي، چې په پېښه کې پوليسو ته مرګ ژوبله اوښتې خو په اړه يې نور معلومات ورنکړل.

تر اوسه د فارياب امنيتي مسئولينو په دې اړه رسنيو ته څه نه دي ويلي.

شریکول

ځواب پريږدي

مهربانی وکړي خپله تبصره وليکئ!
خپل نوم وليکئ