د نجلۍ لپاره په تلویزیون کې کار کول

(فتوا شمیره:113)

پوښتنه:

د یوې جنۍ لپاره په تلویزیون کې کار کول څنګه دي؟

(پوښتنه کونکی: مهربان – افغانستان)

الجواب وبالله التوفیق

د ښځې خوراک او نفقه د میړه په غاړه دي ، البته که یوه ښځه غریبه وي او د خوراک،نفقې یې څوک نه وي نو ښځې ته دکار کسب اجازت شته خو شرط دادی چې دشریعت خلاف کار نه وي ، د پردې پابندي پکې وي ، اود پردیو سړیو سره اختلاط نه وي.

او ښکاره خبره ده چې د تلویزیون په وظیفه کې ددغه شرائطو خیال نه ساتل کیږي .

ددې نه علاوه نن سبا په تلویزیون کې ډیر مفاسد او خرابی هم شته چې دهغې له وجې دسړیو لپاره پکې کار کول هم ناروا ګرځي دبیلګې په توګه:

• دډرامو او فلمونو په واسطه په مسلمانانو کې بي حیائي او فحشاء خورول.
• د کفارو تهذیب ته په مسلمانانو کې ترویج ورکول.
• دظالم حکمرانانو صفتونه کول او د هغوی د ظلمونو او ناروا کارونو نه دفاع کول.
• د حکومت په سیاسي مخالفینو باندې بې ځایه الزامات لږول او دهغوی تذلیل کول.
• دشرعي احکامو، حدودو توهین کول .
• نو دکومو کسانو چې دغه مفاسدو سره تعلق وي دهغوی وظیفه او کار کول هم ناجائز دي.