آسيا جام: افغانستان لومړۍ لوبه کې د دوشنبې په ورځ سريلانکا سره مخ کېږي

(کابل ټکی کام، ۱۳۹۷، وږی ۲۴)

ټاکل شوې چې نن شنبه په متحده عربي اماراتو کې د سريلانکا او بنګله ديش لوبډلو په لومړۍ لوبې سره د آسيا جام سيالۍ پيل شي.

د اسيا جام سیالیو کې شپږ هېوادونه (افغانستان, بنګلادېش, هندوستان, پاکستان, سريلانکا او هانګ کانګ) شتون لري.

په دغه سياليو کې افغانستان د راتلونکې دوشنبې په ورځ له سريلانکا سره مخ کېږي.

افغانستان کرکټ ملي لوبډله له تېرو دووه اوونيو راهيسې د يادو لوبو لپاره په چمتووالي بوخته ده.

لوبډلمشر اصغر ستانکزی وايي، لوبډله يې يواځې د سياليو لپاره نه ده تللې زياتوي چې د افغانستان ټيم په سترو لیګونو کې برخه اخيستې او تمه ده چې په آسیا جام کې به ښې لوبې وکړي.

افغان لوبډله به خپله دوهمه لوبه د سپتمبر په شلمه نيټه له بنګله دیش لوبډلې سره کوي.

دا دویم ځل دی چې افغانستان د آسیا جام د کرکټ په نړیوالو سیالیو کې ګډون کوي. افغانستان د لومړي ځل لپاره په ۲۰۱۴ کال کې د آسیا جام په سالیو کې برخه واخیسته چې بنګله ديش ته يې پکې ماتې ورکړه.

ټېګونه

اړوند مطالب

ځواب دلته پرېږدئ

ستاسو برېښناليک به نه خپريږي. غوښتى ځایونه په نښه شوي *

Close