فاریاب: د قوماندان په ګډون ۱۹ تنه محلي پولیس له طالبانو سره یوځای شوی

(کابل ټکی کام ۱۳۹۷ لیندۍ ۲)

راپورونه وایی چې د فاریاب ولایت د ګریزیوان ولسوالۍ په مربوطاتو کې د قوماندان په مشرۍ  ګڼ شمیر محلي پولیس (اربکیان) د طالبانو لیکو ته ورغلي دي.

خبر زیاتوي، د محمد صالح په نامه دغه قوماندان د سیمیزو طالبانو له هڅونو وروسته له مخالفته لاس اخیستی او له طالبانو سره یوځای شوی دی.

طالبانو د نوموړي یوځای کیدل منلي او ویلي یې دي چې یوځای شویو امنیتي کسانو یو ثقیل ، یوراکټ او ۱۸ میله کلاشینکوفونه اویوه اندازه مهمات هم دوی ته سپارلي دي.

خبر پاڼه کې راغلي چې یاد قوماندان له سیمیزو طالب مسؤلینو سره ژمنه کړې چې بیا به د دولت پلوه وسلوالو لیکو ته نه ورځي او تر خپله وسه به د طالبان ملاتړ ته دوام ورکوي.

په یوه بل خبر کې ویل شوي چې د دغه ولایت د المار ولسوالۍ په مربوطاتو کې دولتي ځواکونو ۶ بوستې پریښې دي او پراخه سیمه د طالبانو.لاس ته لویدلې،  سیمیزو چارواکو تر دې مهاله په دې اړوند څه نه دی ویلي.

ټېګونه

اړوند مطالب

ځواب دلته پرېږدئ

ستاسو برېښناليک به نه خپريږي. غوښتى ځایونه په نښه شوي *

Close