اشرف غني د اسلامي همکاریو د سازمان په غونډه کې د ګډون په موخه ترکیې ته روان شو

 

(کابل ټکی کام ۱۳۹۷ غویی ۲۹)

 

د ارګ خبرپاڼې خبر ورکړی چې جمهور رئیس اشرف غني د اسلامي همکاریو سازمان په فوق العاده غونډه کې د ګډون په خاطر چې د بيت المقدس په موضوع رابلل شوی، نن سهار د ترکيې استانبول ښار ته روان شو.

دا غونډه په فلسطین کې د وروستیو تحولاتو په اړوند رابلل شوې چې په کې به د ۴۰ هیوادونو استازي ګډون کوي.

په یاده غونډه کې د ۱۳ هیوادونو ولسمشران د ۲ هیوادونو مرستیال جمهور رئیسان د ۳ نورو د لومړي وزیر مرستیالان، د ۱۲ هیوادونو د بهرنیو چارو وزیران ګډون کوي.
همداراز له ۱۱ نورو هیوادونو څخه دیپلوماتان یادې غونډې ته بلل شوي دي.

ټاکل شوې ده چې د ایران، افغانستان، اردن، سوډان، ګانا، ، قطر، کویټ، موریتانیا، د شمالي قبرس جمهوریت مشران هم دې ناستې ته ورشي.

باید وویل شي چې تیرکال هم په همدې ښار کې د اسلامي همکاریو د سازمان  فوق العاده غونډه رابلل شوې وه چې په کې په یوه غږ ټولو هیوادونو ختیځ بیت المقدس د فلسطین د پلازمینې په توګه اعلان او له نورو هیوادونو یې هم وغوښتل چې ختیځ بیت المقدس د فلسطینیانو د پلازمینې په توګه ومني.

دا غونډه وروسته تر هغه رابلل کیږي چې څو ورځې وړاندې امریکا رسماً خپل سفارت له تلابیب څخه بیت المقدس ته ولیږداوو چې د نړۍ د مسلمانانو، ملګرو ملتونو، اروپایي اتحادیې، چین او روسیې له غبرګونونه سره مخ شو.
له دې سره سره په یاده ورځ اسرائیلي نیواکګرو ځواکونو پر فلسطیني لاریونوالو بریدونه وکړل چې شاوخوا ۲۷۷۰ تنه ټپیان او نږدې ۶۰ تنه نور ووژل شول.
د دې په غبرګون کې په ترکیه او فلسطین کې درۍ ورځنۍ ماتم اعلان او د ملګرو ملتونو بیړنۍ غونډه هم را وبلل شوه

ټېګونه

اړوند مطالب

ځواب دلته پرېږدئ

ستاسو برېښناليک به نه خپريږي. غوښتى ځایونه په نښه شوي *

Close