امريکا: د ډونلډ ټرمپ پر ضد لاريونونه روان دي

(کابل ټکی کام ۱۳۹۵لړم ۲۰) الماس خدرخېل

د امريکا متحده ايالتونو به بېلابېلو ښارونو کې د دغه هېواد د نوي ولسمشر ډولنډ ټرمپ پر ضد لاريونونه پیل شول.

ويل کېږي په زرګونه کسان د نيويارک، کليفورنيا، اورګان، پنسلوانيا او يو شمېر نورو ايالتونو کې د ډونلډ ټرمپ د ولسمشر کېدو پر ضد لاريونونه پیل کړي او د هغه پر ضد شعارونه وکوي.

په ورته وخت کې په واشنګټن کې د سپينې ماڼۍ مخې ته هم په سلګونو کسان راغونډ شوي او په خپلو شعارونو کې وايي، چې ټرمپ توکم پاله، د بهرنيانو ضد او جنسيت پاله دی.

همدارنګه د شيکاګو، پورټلنډ، ساټل او فلادلفيا کې هم د نوموړي پر ضد لاريونونه شوي او د لاريونکونکو د ټرمپ پر ضد شعارونه ورکول.

دا په داسې حال کې ده، چې تېره ورځ د امريکا په متحده ايالاتو کې د ولسمشرۍ انتخابات ترسره شول، چې ډولنډ ټرمپ پکې هلېري کلنټن ته ماتې ورکړه او امريکايانو ټرمپ د امريکا د ۴۵ ولسمشر په توګه غوره کړ.

اړوند مطالب

ځواب دلته پرېږدئ

ستاسو برېښناليک به نه خپريږي. غوښتى ځایونه په نښه شوي *

Close