امريکا: وسله وال بريد کې دوه تنه وژل شوي دي

(کابل ټکی کام، ۱۳۹۶، کب ۱۲) د امريکا د مشيګان ايالت په پوهنتون کې د وسله وال برید په ترڅ کې دوه تنه وژل شوي دي.

د الجزيره د راپور پر بنسټ، وسله وال بريد د پوهنتون په سالون کې ترسره شوی خو د پوهنتون چارواکي وايي چې وژل شوي کسان د دوی د پوهنتون زده کوونکي يا کارکوونکي نه دي.

بريدګر په تېښته بريالی شوی دی، پوليس وايي د پلټنې عمليات يې پيل کړي دي.

تر اوسه د بريد لامل نه دی په ډاګه شوی خو ځايي سرچينو ويلي ښايي دغه پېښه د کورني تاوتريخوالي له کبله رامنځته شوې وي.

د ماونټ بليزنټ ښار امنیتي مسئولين وايي، بريدګر تورپوستی او ډېر خطرناک کس دی که ژر ونه نيول شي ښايي نورو کسانو ته هم زيان واړوي.

نږدې دوه اوونۍ مخکې هم د امريکا په فلوريډا ايالت کې د يوه وسله وال بريد په ترڅ کې شل تنه ووژل شول او لسګونه تنه نور ټپيان شول.

ټېګونه

اړوند مطالب

ځواب دلته پرېږدئ

ستاسو برېښناليک به نه خپريږي. غوښتى ځایونه په نښه شوي *

Close