امریکایي او افغان چارواکو د طالبانو پرضد د پراخو تهاجمي عملیاتو دپیل خبر ورکړی

(کابل ټکی کام ۱۳۹۷ چنګاښ ۶)

د مرکزي او جنوبي اسیا لپاره د امریکا د بهرنیو چارو مرستیالې الیس ویلز ویلي ، چې په افغانستان کې د هغو وسلوالو پرضد چې د افغان او بهرنیو ځواکونو پرضد یواځې په جګړیزه ستراتیژي ټینکار کوي، د پاکستان په همغږي عملیات لا توندوي .
ویلز ویلي، پاکستان ورسره په ګڼو مواردو کې د وسلوالو د ځپلو ژمنې کړې او ښایي داځل یې پرضد ګډ پریکنده عملیات پیل کړي.
په ورته وخت کې بیا د افغانستان د دفاع وزارت اعلان کړی چې دوه ورځې وروسته به د وسلوالو پر ضد په ټول هیواد کې قاطعانه عملیات پیل کړي .
د دفاع وزارت ویاند محمد رادمنش ویلي، چې یواړخیز اوربند یې ختمیږي او په همدې اساس غواړي د طالبانو پرضد پراخ تهاجمي عملیات پیل کړي.

رادمنش په فراه او نورستان کې د تیرې ورځې لسګونه ملکي وګړو ته د مرګ ژوبلې اړوند څه ونه ویل، خو زیاته یې کړه چې تر ډیره یې هڅه کړې چې اوربند عملي کړي.

د امریکا او افغان چارواکو د جنګ اعلان داسې مهال راځي چې لا هم په ډیری ولایاتو کې د ګډو ځواکونو هوایي اوځمکني عملیات جریان لري او دې لړۍ کوم توقف نه دی کړی.
باید وویل شي چې افغان حکومت په تیر کې هم د ټرمپ د جګړیزې پالیسۍ له اعلان سره جګړه او په سولییزه تګلاره یې د جوړجاړي لار غوره کړې چې د کتونکو په باور افغان حکومت د چارو د مدیریت تګلاره تر امریکایي مشرانو تړلې او مستقل انتخاب نه لري.
طالبانو هم په وار وار ټینګار کړی چې د سولې او جګړې په برخه کې له بې صلاحیته جهتونو سره خبرې نه کوي او له امریکا سره پر مخامخ خبرو یې ټینګار کړی.

ټېګونه

اړوند مطالب

ځواب دلته پرېږدئ

ستاسو برېښناليک به نه خپريږي. غوښتى ځایونه په نښه شوي *

Close