امریکایی فوځ د افغانستان په جنګ کې له ویاګرا ګولیو څخه څه ډول کار واخیست؟

ترجمه: اسدخیل

د امریکي پخوانیو نظامیانو د وینا په اساس امریکایی فوځ د 2001 کال په پیل کې د طالبانو پر مرکزونو د یرغل پر مهال له هغه جادو ته ورته وسیلې نه کار واخیست چې د نارینه و سره په جنسي طاقت کې کومک کوي . دا وسیله د ویاګرا ګولۍ دی چې دجنسې طاقت په لوړولو کې ښه اغیز لري.
واشنګټن پوست امریکایی ورځپاڼې د یوه هغه نظامي څخه چې د افغانستان په جګړه کې یې ګډون کړی په نقل قول سره لیکلی چی څنګه یې د یو څو دانو برګ رنګه ګولیو په عوض کې د طالبانو په اړه پوره معلومات ترلاسه کړل.
هغه خوشبخته چې د ویاګرا ګولۍ یې ترلاسه کړي یو شپیته کلن افغان قومي مشر دی چې څلور میرمنې لري، د مرکزي استخباراتو ارګان یوه ضابط ورته یو پاکټ ډالۍ کړ چې 4 دانې ویاګرا ګولۍ پکې وي.
ضابط ورته وویل: د دې پاکټ نه یوه دانه استعمال کړه خوښه به دی شي.
ضابط وایی چې ډالۍ وړیا نه وه، د جادو په څیر اغیز یې درلود، او هغه داسې چې دغه سپین ږیری 4 ورځې وروسته بیا راغی چې د ځوانۍ نښې ورباندې ښکاره شوي وي.
پرته له دې چې ضابط ورنه د اغیز په اړه د معلوماتو پوښتنه وکړي، سپین ږیری پخپله د طالبانو د رازونو په هکله چې څه ډول د هغوی هستوګنځایونو او قوماندانیو ته ور رسیدای شي د څرنګوالي په اړه د سیلاب په څیر معلومات وړاندې کړل خو په عوض کې یو شمیر د ویاګرا نورې ګولۍ وغوښتې.
دا پیښه د امریکایی فوځ د تازه نوښتونو لارو چارو ته اشاره کوي، چې له دې لارې د هغو هیوادونو په اړه معلومات ترلاسه کوي چې غواړی نظامي یرغل پرې وکړي، دا طریقه د پخوانیو هغو مروجو طریقو پر خلاف ده چې جاسوسان به په پیسو اخیستل کیدل.
د ویاګرا ګولیو تر څنګ یې د غیر مروجو ډالیو یو لیست چې امریکایی استخباراتي چینلونو تیار کړی څو سیمه ایز لاسپوڅي پری تابع کړي، چې له جملې نه یې د څه سامان، درمل، او د جراحي عملیاتو کول، د ماشومانو د لوبو سامان او د ښوونځی سامان آن چې د سفر پاسپورتونه پکې وو هم ورکول.

د مرکزی استخباراتو د ارګان یو پخوانی هغه مسؤل چی په افغانستان کې یی کار کړی وایی: شونې ده چې اغیزمن ملګري د ښوونځیو د جوړولو او د ویاګرا ګولیو د ورکولو له لارې ومومي.
په افغانستان کې د اوږدې تجربې په اساس امریکایی نظامي مسؤلین په دې عقیده دي چې پر ځای د دی چی چاته یو زیات څه ورکړی، کولای شي قبایلی وګړي وپیري چې ځینو له امریکایی فوځ سره کار کړی او ځینې نور له طالبانو سره دی.

ځواب دلته پرېږدئ

ستاسو برېښناليک به نه خپريږي. غوښتى ځایونه په نښه شوي *

Close