امریکا ښايي د شکيل افریدي بدل کې عافيه صديقي خوشې کړي

پاکستان د عافيه صديقي د خلاصون په اړه امریکا سره خبرې کوي

(کابل ټکی کام، ۱۳۹۷، لړم ۱۹)

د پاکستان د اطلاعاتو او نشراتو وزير فواد چهودري وايي، حکومت په امریکا کې د زنداني پاکستانۍ ډاکټرې عافيه صديقي د خلاصون په اړه هڅې پيل کړي دي.

چهودري وايي، لومړي وزير عمران خان د پاکستان بهرنيو چارو وزارت ته سپارښتنه کړې چې د ډاکټرې عافيه صديقي د خلاصون په اړه له امريکايي مسوولينو سره خبرې وکړي.

ډاکټر عافيه صديقي په ۲۰۱۰ميلادي کال کې د پاکستان له لوري د القاعده تنظيم سره په تړاو لرلو ونيول شوه او امريکا ته تر سپارلو وروسته امريکايي محکمې له خوا ورته د ۸۶کاله زنداني کېدو سزا اورول شوې ده.

وړمه ورځ د عافيه صديقي خور ډاکټرې فوزيه صديقي  وويل، چې دوی داسې معلومات ترلاسه کړي، چې امریکا په لاهور کې د نيول شوي امريکايي قاتل ريمنډ ډيوس په بدل کې د عافيه صديقي د خلاصولو وړانديز کړی و، چې حکومتي چارواکو دغه وړانديز نه و منلی او پر ځای يې نورې غوښتنې کړې وې.

خو د پاکستان ډان ورځپاڼې د دغه هېواد د کورنيو چارو وزارت د يوه چارواکي له قوله ليکلي، چې حکومت د ډاکټرې عافيه صديقي په بدله کې د شکيل افريدي په خلاصون غور کوي چې څو ځلې ترې امريکا د هغه د خوشې کولو غوښتنه کړې ده.

څو ورځې مخکې د پاکستان کونسل په امريکا کې له عافيې سره کتلي و چې هغې ورته د عمران خان لپاره يو خط لېږلی و او پکې غوښتنه شوې وه چې غواړي له زندانه خوشې شي په وينا يې نوموړې تښتول شوې او په غير قانوني توګه په زندان کې اچول شوې ده.

ټېګونه

اړوند مطالب

ځواب دلته پرېږدئ

ستاسو برېښناليک به نه خپريږي. غوښتى ځایونه په نښه شوي *

Close