ايران: پر سپاه پاسداران ځواک سرتيري برید کې ۲۷ عسکر وژل شوي

(کابل ټکی کام، ۱۳۹۷، سلواغه ۲۵)

د ايران په سيستان بلوچستان ایالت کې د سپاه پاسداران پر سرحدي ځواک سرتيري بريد کې ۲۷ عسکر وژل شوي او لسګونه نور ټپيان دي.

دغه بريد پرون د فبرورۍ پر ديارلسمه ناوخته شوی.

د سپاه پاسداران د قدس څانګې په يوه خبرپاڼه کې ويلي، سرتيري موټربم بريد کوونکي له چاودېدونکو توکو ډک موټر د سپاه پاسداران د پلي ځواک له بس موټرسره ټک او چاودنه ورکړې چې ياده مرګ ژوبله يې اړولې ده.

اعلاميه کې راغي، چې دغه بريد تکفيري ترهګرې ډلې کړې.

تسنيم خبري اژانس د سرحدي ځواک د ۲۷ عسکرو د وژل کېدو او شل نورو د ټپي کېدو خبر ورکړی دی.

د بريد مسؤليت د جيش العدل په نوم وسله والې ډلې منلی او په ټيګرام کې يې د يوې خبرپاڼه په خپرولو سره ويلي په دغه برید کې په کې سپاره ټول عسکر وژل شوي دي.

اړوند مطالب

ځواب دلته پرېږدئ

ستاسو برېښناليک به نه خپريږي. غوښتى ځایونه په نښه شوي *

Close