ايماني ځواک/ فکرمل طالب

فکرمل طالب

یو ملګری په زړۀ پاک درسره واخله

او بل خپل ایماني ځواک درسره واخله

 

د اسبابو په ډېرښت تکیه ونکړې

د رب نصر او ادراک درسره واخله

 

د دښمن علاج دې شونی ده طالبه

فقط یو ثقيل سفاک درسره واخله

 

دشيطان په جال کې ګیر نشې دلبره

د تقوای قېمتي واک درسره واخله

 

د خدايۍ له دعوه ګرو مه ډارېږه

توکل په الله پاک درسره واخله

 

د زمري غوندې زړور اوسه جانانه

خو غلیم ته ارتباک درسره واخله

 

که بری په دښمن غواړې فکرمله

نبوي سنت مِسواک درسره واخله

اړوند مطالب

ځواب دلته پرېږدئ

ستاسو برېښناليک به نه خپريږي. غوښتى ځایونه په نښه شوي *

Close