ایران کې د ۵.۳ درجې زلزلې زيانونه اړولي

(کابل ټکی کام، ۱۳۹۷، سلواغه ۲۲)

د ايران په جنوب کې د ريښتر په کچه پنځه اعشاريه درې درجې زلزله شوې چې ځينې ودانۍ يې نړولي او پنځه تنه يې ټپيان کړي دي.

د امريکا د ځمکې پيژندنې اداره وايي، دغه زلزله پرون په جنوبي ولايت هرمزګان د خمير ښارګوټي په پنځلس کيلومترۍ شوې.

د ايراني رسنيو د راپورونو پر بنسټ، د دغه هيواد د سرې مياشتې رئيس د زلزلې له کبله شل کورونه ويجاړ شوي، پخواني ديوالونه او پلونه هم نړيدلي او نږدې څلوېښت کورونه داسې دي چې اوسېدو له حالته وتلي دي.

د دغه زلزلې ټکانونه په بحرين، سعودي، پاکستان، عمان، قطر، متحده عربي اماراتو او افغانستان کې هم حس شوي خو په يادو هېوادونو کې د ويجاړي راپور نه دی ورکړل شوی.

د تير کال په نومبر مياشت کې هم د عراق او ايران تر منځ د شپږ اعشاريه څلور درجې زلزله وشوه چې نږدې اته سوه کسان پکې ټپيان او ويجاړي يې رامنځته کړه.

اړوند مطالب

ځواب دلته پرېږدئ

ستاسو برېښناليک به نه خپريږي. غوښتى ځایونه په نښه شوي *

Close