بغلان: د نوماند وکيلانو ساتونکو شپږ ملکيانو ته مرګ ژوبله اړولې

(کابل ټکی کام، ۱۳۹۷، زمری ۳)

د بغلان ولايت په مرکز پلخمري کې د دوو تنو نوماندانو تر منځ نښته کې شپږو ملکي وګړو ته مرګ ژوبله اوښتې ده.

د بغلان د امنيې قوماندانۍ وياند ذبيح الله شجاع وايي، د ولسي جرګې لپار د دوو نوماندانو د ساتونکو تر منځ په نښته کې دوه ملکي وګړي وژل شوي او څلور نور ټپيان دي.

نوموړی وايي، تر اوسه د دغه نوماند وکيلانو د نښتې لامل نه دی په ډاګه شوی خو په وينا يې پوليسو يې په اړه پلټنې پيل کړي دي.

شجاع د يادو وکیلانو نومونه نه دي په داګه کړي.

ځايي امنيتي سرچينې وايي، چې دواړه نوماند وکيلان لسګونه غير مسووله وسله وال لري او په سيمه کې د خلکو په زورونه کې هم ښکېل دي.

تر اوسه معلومه نه ده چې د يادو وکيلانو له ډلې هم څوک وژل شوي او که يواځې مرګ ژوبله ملکي خلکو ته اوښتې ده.

ټېګونه

اړوند مطالب

ځواب دلته پرېږدئ

ستاسو برېښناليک به نه خپريږي. غوښتى ځایونه په نښه شوي *

Close