بلخ: وسله وال بريد کې د شولګرې ولسوالۍ امنيه قوماندان ټپي شوی

(کابل ټکی کام، ۱۳۹۷، چنګاښ ۳۰)

د بلخ ولايت سيمه ييز چارواکي وايي، د طالبانو په بريد کې د شولګرې ولسوالۍ امنيه قوماندان سخت ټپي شوی دی.

د شولګرې ولسوال اميرشاه خان وايي، طالبانو تېره شپه د قزل قدوق په سيمه کې د يادې ولسوالۍ امنيې قوماندان سيدعارف اقبالي ته کمين ورکړی او نوموړی سخت ټپي شوی دی.

د ولسوال په وينا، په دې بريد کې د هغه په ګډون پنځه عسکر ټپيان شوي او يو تن وژل شوی دی.

نوموړی وايي، د امنيې قوماندان عارف اقبالي د شولګرې او چمتال ولسوالۍ په سرحدونو کې د عملياتو لپاره تللي و چې د طالبانو له کمين سره مخ شول.

د بلخ شولګرې ولسوالۍ ډيری کلي د طالبانو تر واک لاندې دي او وخت ناوخت له دولتي ځواکونو سره جګړې کوي.

طالبانو تر اوسه په دې اړه څه نه دي ويلي.

ټېګونه

اړوند مطالب

ځواب دلته پرېږدئ

ستاسو برېښناليک به نه خپريږي. غوښتى ځایونه په نښه شوي *

Close