تخار: د یوه ښوونځي شاوخوا ۶۰ نجونې زدکوونکې مسمومې شوي

کابل ټکی کام ۱۵غويي/۱۳۹۵، احمدالله مهاجر

د تخار ولایت د امنیه قومندانۍ ویاند عبدالخلیل اسیر وايي، چې نن لس بجې د دغه ولایت د رستاق ولسوالۍ د میرملایي د لېسې شاوخوا ۶۰ نجونې زدکوونکې په مرموز ډول مسمومې شوي دي.

دغه نجونې زدکوونکې چې له ۷م څخه تر ۱۲م ټولګیو زدکوونکې دي، دا مهال د درملنې لپاره روغتون ته استول شوي دي.

چارواکو ویلي دي، چې د پېښې د لامل څرګندولو لپاره یې څېړنې پیل کړي دي.

عیني شاهدانو ویلي دي، کله چې نجونې سهار خپلو ټولګیو ته ننوتې، پر مېزونو یې سپین رنګه پوډر پروت وو، چې د دوی د مسمومېدو لامل شو.

لس ورځې وړاندې په فراه ولایت کې شاوخوا ۱۰۰ نجونې زدکوونکې مسمومې شوي وې.

د یادولو ده، چې دا په دوو اونیو کې د تخار په رستاق ولسوالۍ کې دویمه ورته پېښه ده.

ټېګونه

اړوند مطالب

ځواب دلته پرېږدئ

ستاسو برېښناليک به نه خپريږي. غوښتى ځایونه په نښه شوي *

Close