ترکيه وايي، يوه مياشت کې يې۷ زره غير قانوني افغانان خپل هېواد ته ستانه کړي

(کابل ټکی کام، ۱۳۹۷، وری ۲۸) د ترکيې د کډوالۍ چارواکي وايي، په تېره يوه مياشت کې يې نږدې اووه زره غير قانوني افغانان خپل هېواد ته ستانه کړي دي.

د ترکيې انادولو خبري اژانس د دغې هېواد د کورنيو چارو وزارت د کډوالۍ څانګې له قوله ليکلي، په تېرو څو اوونيو کې ۶۸۴۶ بې اسنادو افغانان يې کابل ته لېږدولي دي.

د سرچينې په وينا، ياده شمېره ناقانونه افغانان يې له ارزورم، اګري او ازمير ولايتونو څخه په بېلابېلو پروازونو کې افغانستان ته استولي دي.

د ترکيې د کورنيو چارو وزارت وايي، د زرګونو نورو افغانانو د بېرته ستنېدلو لړۍ هم په بشپړېدو ده او په نږدې وخت کې به هغوی هم خپل هېواد ته ولېږل شي.

په هېواد کې د بېکارۍ، فقر او بې وزلۍ له کبله زرګونه افغانانو خپل هېواد پرېښی او په سختو لارو اروپايي ملکونو ته د مزدورۍ لپاره په قاچاقي لارو تللي چې سلګونه يې په لارو کې د قاچاقبرانو، د ځينو هېوادونو د پوليسو له لوري وژل شوي او سلګونه نورو په سمندرونو کې خپل ژوند له لاسه ورکړی دی.

ټېګونه

اړوند مطالب

ځواب دلته پرېږدئ

ستاسو برېښناليک به نه خپريږي. غوښتى ځایونه په نښه شوي *

Close