حزب اسلامي يو ځل بيا له دولته غوښتي چې بنديان يې خوشې کړي

(کابل ټکی کام ۱۳۹۵ مرغومی۱۲) الماس خدرخیل

شاوخوا درې اونۍ وړاندې راپورونه ورکول شول، چې په نږدې وخت کې به د افغانستان له محبسونو د حزب اسلامي ټول سياسي بنديان له زندانونو ازاد کړل شي.

خو تر دې دمه د حزب اسلامي بنديان لا هم د هېواد په جېلونو کې شپې سبا کوي.

په همدې تړاو د حزب اسلامي وياند حميد عزيزي رسنيو ته ويلي، چې ټاکل شوې وه، چې د ددغه ګوند نږدې څلور سوه سياسي بنديان نږدې دوه اونۍ مخکې خوشې شوي وی، خو د ناڅرګندو عواملو له امله يې د خوشې کېدو بهير زنډېدلی دی.

نوموړي له ګډ حکومت نه د هغو بنديانو د خلاصون غوښتنه کړې، چې په جګړه کې نيول شوي او يا يې دوسيه سياسي اړخ ولري.

هغه وايي، چې حزب اسلامي د هغو کسانو د خلاصون غوښتنه نه ده کړې چې جنايي جرمونو باندې ککړ وي.

د ګډ حکومت سره د سولې په وخت کې هوکړه شوې وه، چې په هېواد کې د حزب اسلامي د سياسي بنديانو خوشې کول به يې د لومړيو کارونو څخه وي.

ټېګونه

اړوند مطالب

ځواب دلته پرېږدئ

ستاسو برېښناليک به نه خپريږي. غوښتى ځایونه په نښه شوي *

Close