خوږو ته خواږه ترخو ته ترخه: ’له ټرمپه زموږ تر منظوري اخیستلو پورې صبر وکړئ‘

خوږو ته خواږه ترخو ته ترخه

هیواد:

د حكومت ځواب څه دی؟!

شناند:

دا چې له ټرمپه زموږ تر منظوري اخیستلو پورې صبر وکړئ

 

اصلاح:

د اتمر استعفا، د يوه بل جنګ مغلوبه تودېدل

شناند:

نو د ملي خیانت حکومت شړیدلی بوله

 

اراده:

داعش! امريکايي څرخۍ که د ولس فکري ملاتړ؟

شناند:

په ظاهره خو د ولس فکري ملاتړ خو د پردې تر شا امریکایی څرخۍ

 

ویسا:

لنډ مهاله حکومت له روان ناورين نه د وتلو لاره کېدای شي؟

شناند:

نه! هیڅکله هم نه! ځکه چي د حل لاره یواځی شرعي احکامو ته مراجعه کول دي او بس.

 

هیواد:

د خپلواکۍ په وياړ!

شناند:

که د امریکایی غلامۍ (د ذلت) په ویاړ؟

 

د افغانستان لوی ملي اېتلاف:

د چهارشنبې په ورځ به په مرکز او ولایتونو کې مدني حرکتونه پیل کړو

شناند:

مدني حرکتونه که  د ذلت وروستی حد؟

 

هیواد:

د افغانستان په اړه؛ د ولسمشر غني په غوښتنه د مسکو غونډه وځنډول شوه

شناند:

هغه هم د غربي بادارانو په قومانده

 

د پکتیا اوسېدونکي او وکیلان:

د ولسمشر غني له خوا د ژمنه شويو لويو پروژو کارونه لا هم نه دي پيل شوي

شناند:

چي له غني نه ډوډۍ غواړۍ وږي نه یئ

 

دفاع وزارت:

په فاریاب کې ٥۴ طالبان وژل شوي دي

شناند:

خو دا یو سوداګریز اعلان و

 

امریکايي شنونکې رابېکا زمېرمان:

د افغان حکومت مشران دې لومړی خپلمنځي اختلافات حل بیا دې له طالبانو سره سوله وکړي

شناند:

که نه نو ډالر بند!!!

 

اراده:

د يوې خطرناکې استخباراتي لوبې بل پړاو

شناند:

او هغه دا چې د داعش تر عنوان لاندې د امریکا لخوا پیل شوي لوبه

 

اصلاح:

افغانستان او د روسانو د مداخلو بهير

شناند:

خو بل خوا بیا د امریکایانو د میلمستیا بهیر

 

ویسا:

د مسکو په ناسته کې ګډون ستراتېژیک ارزښت لري

شناند:

خو متفکر صیب لا هم ستراتیژیک ارزښت نه پیژني

 

هیواد:

په معلومه کې نامعلومه لوبه

شناند:

او هغه دا چې د جلال اباد په امریکایی بیس کي د داعشیانو د ټریننګ سنټر موجودیت

 

ویسا:

آزاد که اسیر افغانستان؟

شناند:

نه آزاد او نه اسیر بلکی اشغال شوی افغانستان

 

۸صبح:

جاپان٨ میلیون دالر در بخش صحی با افغانستان کمک کرد

مبصر:

آن هم در مناطق شیعه نشین، بخاطر نزدیکی آنان به عقیده های بوذایی جاپانیان

 

معترض نوماندان:

که مو غوښتنې ونه منل شي د انتخاباتو مخه به ونیسو

شناند:

شهر ناپرسان دی هر څه کول پکی ممکن دي

 

اړوند مطالب

ځواب دلته پرېږدئ

ستاسو برېښناليک به نه خپريږي. غوښتى ځایونه په نښه شوي *

Close