دایکندي: ترافیکي پېښه کې لس کسانو ته مرګ ژوبله اوښتې

(کابل ټکی کام، ۱۳۹۶، کب ۲۳) د دایکندي ولايت د ترافيکو مسئولين وايي، په دې ولايت کې د يوې ترافیکي پېښې له کبله لس تنو ته مرګ ژوبله اوښتې ده.

د دایکندي د ترافيکو مدير اسدالله وايي، پرون له غرمې وروسته د شهرستان ولسوالۍ په پيش غار سيمه کې يو فلانکوچ ډوله موټر له سړکه اوښتی له کبله يې څلور کسانو خپل ژوند له لاسه ورکړی او شپږ تنه نور ټپيان دي.

د اسدالله په خبره، د پېښې ټپيان روغتون ته لېږدول شوي او روغتيايي حالت يې ښه نه دی.

په هېواد کې د سړکونو خرابوالی، د موټر چلوونکو بې احتياطي او غير مسلکي موټرو چلوونکو د تيز رفتارۍ له کبله وخت ناوخت ترافيکي پېښې رامنځته کېږي او لسګونه کسان پکې خپل ژوند له لاسه ورکوي.

د معلوماتو له مخې، په دغې ولايت کې د روان کال په ترڅ کې له درې سوو زياتې ترافيکي پېښې شوي چې له کبله يې اویا تنه مړه شوي دي.

ټېګونه

اړوند مطالب

ځواب دلته پرېږدئ

ستاسو برېښناليک به نه خپريږي. غوښتى ځایونه په نښه شوي *

Close