دعشق د آغاز انجام به دغسې وی

شعر / مفتون
ستړی مزدور دی د غرمې سیوری ته خوب وړی دی
که څوک مین دی د وعدې سیوری ته خوب وړی دی
دعشق د آغاز انجام به دغسې وی
لکه پتنګ چی د لمبې سیوری ته خوب وړی دی
باید زمونږ د بیدارۍ سبب همدا ماشوم وی
چې دشهید پلار جنازې سیوری ته خوب وړی دی
هاغه د ګل نه نازک دنګ ځلمی که یاد شی درته
د دې وړې ماتې جنډې سیوری ته خوب وړی دی
هفته (18غویي1395ه‍ ش)

اړوند مطالب

ځواب دلته پرېږدئ

ستاسو برېښناليک به نه خپريږي. غوښتى ځایونه په نښه شوي *

Close