د اسرائیلو لومړی وزیر عُمان ته تللی

(کابل ټکی کام ۱۳۹۷ لړم ۵)

د راپورونو له مخې، د اسرائیلو لومړی وزیر بنیامین نتنیاهو د عُمان پلازمینې مسقط ته رسیدلی او د هغه هیواد له چارواکو سره یې لیدنې کتنې کړې.
دغه یهودي مشر داسې مهال عُمان ته سفر کوي چې دواړه هیوادونه هیڅ راز خپلمنځي دیپلوماتیکې اړیکې نه لري .
نتنیاهو د عمان له پاچا سلطان قابوس ابن سعید سره کتلي او په منځني ختیځ کې یې د سولې او ټیکاو په راتلو او یوه منظم میکانیزم پر جوړولو سلا مشورې کړې.
له نتنیاهو سره په دې سفر کې د یهودو داستخباراتي ادارې “موساد“مشر یوسي کهن،د ملي امنیت سلاکار“ ملي مئیر بن شبات او ګڼ شمیر نور چارواکي ملتیا کوي.
ایران د دغه سفر په تړاو غبرګون ښوودلی او ویلي یې دي چې دغه رژیم د مسلمانانو په ویشلو او د هغوی د تفرقې کوښښونه کوي او له مسلمانو هیوادونو یې غوښتي چې د یهودي د توطیو ښکار نه شي.

بلخوا امریکا بیا د اسرایلي چارواکو دا ګام ستایلی او په سیمه کې یې د دوستانو د پیداکولو هڅه بللې.

دا له ۱۹۹۶ کال وروسته لومړی یهودي مشر ده چې د عُمان خاورې ته سفر کوي.
په عین حال کې د اسرایلو د ورزش او لوبو وزیر ابوظبۍ ته رسیدلی او هلته یې له چارواکو او ځوانانو سره مختلفې غونډې کړې دي.

ټېګونه

اړوند مطالب

ځواب دلته پرېږدئ

ستاسو برېښناليک به نه خپريږي. غوښتى ځایونه په نښه شوي *

Close