د اشرف غني تاریخي وینا

تبصره :  ص ـ ،صاحب زاده،

وړمه ورځ  دګډ حکومت لمړی مشر اشرف غني پارلمان کې د ولسي جرګې مشرانو ته  وینا واوروله، اشرف غني په داسې حال کې وینا ته اړ شو، چې څو ورځې مخکې طالبانو د ملی امنیت په لسم ریاست موټر بم برید ترسره کړ،  چې د ریاست ودانۍ یې په بشپړه توګه ویجاړه او پکي ټول کارکونکي ووژل شول،چې دا په کابل کې د طالبانو لخوا یو ستر برید و،  له برید وروسته د ګډ حکومت مشرانو بیړنۍ غونډه جوړه کړه چې مشري یې اشرف غني کوله، اشرف غني د ناستې ګډونوالو ته بې له دې چې  دا برید وغندي او  د تیر په څیر یو ځل بیا پړه په پاکستان واچوي، نور څه  د ویلو نه درلودل، او  غیر اختیارانه اخطارونه یې طالبانو ته په ورکولو شورع وکړه،  چې همدا یې  دبیړنۍ  ناستې نچوړ او خلاصه وه.

له غونډې وروسته سیاسي کارپوهانو د  اشرف غني او عبدالله عبدالله حکومت مطلق ناکام وباله،  اوځینو یې  له دوی څخه ژر تر ژره د استعفا غوښتنه وکړه.
شیبه وروسته په رسنیو کې د اشرف غني ویاند را څرګند شو،  دخبرو سر کې یې وویل چې ولسمشر اشرف غني به سبا پارلمان کې وکیلانو ته یوه تاریخي وینا واوروي ·

که څه هم اشرف غني ډیري داسې خندونکې تاریخي ویناوي تر دې مخکې هم په کراتو کړي وي، خو د ویاند دغه پیغام عام خلک یوځل بیا دې ته اړ کړل چې سبا د اشرف غني تاریخي   وینا ته منتظر شي ، هماغه و چې پرون  اشرف غني پارلمان ته لاړ او له طمعې سره سم یې یو څو غیر اختیارانه ګډې وډې تاریخي خندونکې  خبرې وکړې .
ده په خپلو خبرو کې وویل پاکستان څخه د ښو طمعه نه لرو، ( دا هیله تري نه لرو چې طالبان دي صلحې ته مونږ سره کښېنوي)،
لا یې خپلې خبري نه وي ختمې کړي چې پاکستان ته یې بیا هیله پیدا شوه ، او ويې ویل چې له پاکستان نه غواړم چې د طالبانو په خلاف دي نظامي عملیات شروع کړي او هغه هم په پاکستان کې.

دویمه خبره یې داوه، د مدرسو طالبان مونږ سره  داسې عکس العمل نه کوي،اشاره یې لسم ریاست ته وه، ( سرتیري بریدونه نه کوي) او دا چې بریدونه کوي، دا باغیان دي او باغیان به هیڅکله ونه بښي،  او حال داچې د ګډ حکومت ټول مشران او کشران په دې ډیر ښه پوهبږي، چې طالب یو طالب دی،  طالب د یو الله ، یو دین، یو کتاب، یو مذهب او یو رهبر  تر چتر لاندې ژوند کوي،او د محمد صل الله علیه وسلم پیروان او امتیان دي،چې ټول د یوي مدرسې روزل شوي  شاګردان دي.
داچې کومې خبرې یې له خولې ویستلې،  دایې د ملت په سترګو کې دخاورو پاشلو په موخه کولې.
د ګډ حکومت مشران دې په دې هم ښه پوه شي، چې غیور ملت غیور ولس اوس تاسې ډیر ښه پېژني،
افغانان نور د تاسو له ظلمونه تنګ راغلي،او د تاسو شړۍ نور درټولول غواړي اوبس،  ځکه تاسې بې واکه یې ستاسې حکومت بې واکه دی، ستاسو دحکومت اصلي جرړې د امریکا په سفارت پورې محدودې او تړلې دي.

——- پورتنی لیکنه دلیکوال خپل نظر دی د ادارې موافقت ورسره شرط ندی ——