د امریکایانو په ګډون ګڼ شمیر تازه دمي سرتیري فراه ته ورځي

(کابل ټکی کام ۱۳۹۷ وږی ۲۸)

راپورونه وایي چې د فراه ولایت د وروستي کړکیچن وضعیت د قابو کولو په خاطر سلګونه تازه دمي سرتیري یاد ولایت ته لیږل کیږي.

تیره ورځ د ۲۰۷ ظفر قول اردو قوماندان محمد ناصر هدایت هم یاد ولایت ته تللی او د فراه د امنیتي وضیعت ارزونه یې کړې
امنیتي سرچینو رسنیو ته په ډاګه کړې، امریکایان غواړي په فراه ولایت کې یوه یله پوځي اډه پرانیزي څو په سیمه کې د طالبانو پر وړاندې د عملیاتو او له ایران سره په نږدې سرحدي سیمه کې د څار لپاره لوی پوځي مرکز جوړ کړي.

د فراه د والي ویاند محمد ناصر مهري،وایي، ښایي په څو ورځو کې دې ولایت ته تازه دمي کورني او بهرني سرتیري ورسیږي.
طالبانو د امریکایانو د امریکایانو پر دې اقدام غبرګون ښوودلی او په یوه خبرپاڼه کې یې ویلي “ دخارجي اشغالګروله لوري په فراه ولایت کي دنظامي هډې جوړول د تیرو ناکامو تجربو تکرار او یو سمبولیک اقدام دی چي نه به ځان وژغورلای شي نه هم ګوډاګۍاداره“

امریکایان داسې مهال دا اقدام کوي چې د تیرې اونۍ راهیسې په دې ولایت کې لسګونه امنیتي سرتیري وژل شوي او ګڼ شمیر نور ټپیان دي.

ټېګونه

اړوند مطالب

ځواب دلته پرېږدئ

ستاسو برېښناليک به نه خپريږي. غوښتى ځایونه په نښه شوي *

Close