د باران پر وخت

ژباړه: محمد نبي (الدين)

دا وخت د دعاء د قبلېدو وخت دی:

رسول الله صلى الله عليه وسلم فرمايي: «ثنتان ما تردّان: الدّعاء عند النّداء وتحت المطر»

ژباړه: دوه شيان نه رديږي: د أذان پر وخت (وروسته) دعاء او تر باران لاندی دعاء.

المستدرك على الصحيحين للحاكم: 2534.

ــــــــــ

د باران د ليدلو پر وخت دعاء:

رسول الله صلى الله عليه وسلم چي به کله باران وليدی، نو دا دعاء به يې ويل ( اَللّٰهُمَّ صَيِّبًا نَافِعًا ).

ژباړه: ربه! د خير او فائدې باران (يې کړې).

رواه البخاري (1032).

ــــــــــ

باران ته درېدل مستحب دي:

أنسٍ رضي الله عنه فرمايي: يو وخت -چي رسول الله صلى الله عليه وسلم هم را سره وو- باران را باندي شروع سو، نو رسول الله صلى الله عليه وسلم بدن (ملا يا سر) لوڅ کړ؛ تر دې چي پر بدن يې باران ولګېدی، موږ ورته وويل: يا رسول الله صلى الله عليه وسلم، ولي دي داسي وکړل؟

رسول الله صلى الله عليه وسلم وفرمايل: دا باران د الله په تازه او نوي امر سره نازل سوی دی.

رواه مسلم (898).

(شرح: باران ته درېدل او د تبرک لپاره پر خپل بدن موښل، مستحب کار دی، دا کار رسول الله صلى الله عليه وسلم هم کړی دی، ځکه باران د الله له لوري د رسول او قاصد په منزلت کي دی، چي بايد تعظيم او درناوی يې وسي).

ــــــــــ

تر باران ورېدلو وروسته دعاء:

(مُطِرْنَا بِفَضْلِ اللّٰهِ وَرَحْمَتِهِ).

ژباړه: د الله په فضل او رحمت سره پر موږ باران و ورېدی.

مسند أحمد: 17061.

ـــــــــ

کله چي باران ډېر توند سي:

(اَللّٰهُمُّ حَوَالِيْنَا وَلَا عَلَيْنَا، اَللّٰهُمُّ عَلَى الْآکَامِ وَالظِّرَابِ وَبُطُوْنِ الْأَوْدِيَةِ وَمَنَابِتِ الشَّجَرِ).

ژباړه: ای ربه! زموږ پر خوا وشا يې و وروه، پر موږ نه، ای ربه! پر لويو او وړو غونډيو يې و وروه، د شېلو په نسونو او د رختو د زرغونېدو په ځايونو کي يې و وروه.

السنن الکبری للبيهقي: 6436.

ــــــــــ

د تالندي د اورېدلو پر وخت دعاء:

سُبْحَانَ الَّذِي يُسَبِّحُ الرَّعْدُ بِحَمْدِهِ وَالْمَلَائِكَةُ مِنْ خِيفَتِهِ  [الرعد: 13].

ژباړه: او په ستاینه یې تالنده او له وېرې یې پرښتې پاکي بیانوي…

[سپېڅلی قرآن]

اړوند مطالب

ځواب دلته پرېږدئ

ستاسو برېښناليک به نه خپريږي. غوښتى ځایونه په نښه شوي *

Close