د بحرین علماء: اسرائيلو سره اړیکي ساتل د اسلامي امت سره ستر خیانت دی

 (کابل ټکی کام ۱۳۹۵ مرغومی ۵) زرغون خوږیاڼی

د بحرین علماءو ویلي، چې د اسرائیلو سره مستقیمې یا غیر مستقیمې اړیکې جوړول په هر صورت محکومې او د اسلامي امت سره ستر خیانت دی.

د اللؤلؤة خبري اژانس په وینا، د بحرین هیواد علماءو په یوه خپره شوې اعلامیه کې په ټینګار سره ویلي، چې مسلمان ولسونه باید د صهیوني رژیم او د دیکتاتوري نظامونو د مبتذلې توجیه څخه چې د اسلامي امت له ارادې څخه خارج دي، محتاط او څارونکی وي.

په اعلامیه کې ویل شوي، چې د اسرائيلي صهیوني رژیم سره اړیکې جوړول یو خطرناک اقدام دی او هیڅکله به دښمنان او د عرب مسلمانانو د ځمکو اشغالوونکي په دوستۍ بدل نه شي.

د بحرین په ټولنیزو شبکو کې یو شمیر فعالانو د بحرین د چارواکو او د اسرائيلو د استخباراتي ادارې موساد سره د لیدنو کتنو انزورونه خپاره کړي، چې په بحرین کې یې یو لړ غبرګونونه راپارولي دي.

د موساد غړي د اسرائيلو د سوداګرۍ د غړیو په شکل سره بحرین ته تللي او دغلته یې ددغې هیواد له مشرانو سره کتلي دي، چې خلکو یې پر وړاندې سخت غبرګونونه ښودلي دي.

اړوند مطالب

ځواب دلته پرېږدئ

ستاسو برېښناليک به نه خپريږي. غوښتى ځایونه په نښه شوي *

Close