د جنسي تیري د مخنیوي پتلون«نیکر» جوړ شو

 (کابل ټکی کام ۱۳۹۵  لیندۍ ۳۰) زرغون خوږیاڼی

په المان کې یوې کمپنۍ پر ښځو د جنسي تیري د مخنیوي پتلون جوړ کړی دی، تر څو ښځې او نر د جنسي تیري له زورونو څخه په امن کې وي.

د سپوتونیک پښتو په حواله، د المان په اوبرهاوزن ښار کې یوې سوداګرې «ساندرا» د ښځو لپاره سپورتي ماډل پتلون«نیکر» جوړ کړی، چې تر ډيره حفاظتي سیستم لري.

ساندرا چې د جرمني د یوه سوداګر لور او سندرغاړې ده ویلي دي، دا فکر وروسته له هغه ورته پیدا شو چې د اوبرهاوزن ښار په یوه پارک درې ځوانانو پر دې د جنسي تیري هڅه وکړه.

د ساندرا لخوا جوړ شوی پتلون یا نیکر د «خونديتوب پتلون» په نامه یادیږي، چې د خطر په وخت کې زنګ وهي او تر لرې یې اواز رسیدای شي، همدرانګه ځانګړی کمربند لري چې څوک یې پرې کولای او څیري کولای نه شي او که د پرې کولو هڅه یې وشي نو د پولیسو حوزې ته هم د خطر زنګ وهي.

په دې وروستیو کې په ټوله نړۍ کې او تر ډيره بیا په افغانستان کې د ښځو پر وړاندې د جنسي تیري او نورو تاوتریخوالو پيښې زیاتې شوي دي، چې په استعمال سره به یې دا پتلون یو څه پرده پوښ شي.

ټېګونه

اړوند مطالب

ځواب دلته پرېږدئ

ستاسو برېښناليک به نه خپريږي. غوښتى ځایونه په نښه شوي *

Close