د حلب جګړه د ایراني شعیه جنرال تر قوماندې لاندې پیل شوې ده

 (کابل ټکی کام ۱۳۹۵ لیندۍ ۲۵) الماس خدرخیل

د سوریې په حلب ښار کې د اوربند په ماتولو سره د ایراني شعیه قومندان سید جواد تر رهبرۍ لاندې جګړه بیا پیل شوې ده.

په داسې حال کې چې په حلب کې د انقلابیانو د مذاکراتو مشر الفاروق ابوبکر ويلي، «له ترکيې او روسيې څخه يې ضمانتونه اخيستي چې څوک به هم د اوربند خلاف عمل نکوي»، خو بل پل ځينې راپورونه خپاره شوي، چې د سوريې په حلب کې شيعه اسدي مليشې د ايراني جنرال (سيد جواد) تر قومندې لاندې د حلب په محاصره شويو وګړو حملې ترسره کوي.

د ترکي رسنیو په وینا، نوموړی قومندان او ورسره شيعه مليشې په دې هڅه کې دي، چې د حملو له لارې «جب الجلبي» او «پل حج» سيمې چې د انقلابيانو تر واک لاندې دي او شاوخوا لس زره کسان پکې بند پاتې دي د جګړو له لارې ونيسي.

تازه ورکړل شوي راپورونه وايي، چې د ایراني جنرال په مشرۍ شيعه مليشې او اسدي ځواکونه د روسانو په ملتيا په درندو او سپکو وسلو سبمال دي چې په کې ټانګونه او توپونه هم شامل دي، د انقلابيانو سره لا هم په جګړه بوخت دي.

ويل کېږي، تېره شپه له اوربند وروسته د غير نظاميانو لپاره د وتلو لړۍ پيل شوه، خو د جګړې د پېلېدو سره بيا دغه لړۍ تر سبا شپږو بجو پورې ودرېده.

د راپورونو پر بنسټ، يادې حملې هغه وخت رامنځته شوې، چې د انقلابيانو مذاکره کوونکې ډله او د ترکيې او روسيې تر منځ پر اوربند خبرې روانې وې.

په سوریه کې اوس شعیه ملیشې د روسي ځواکونو په ملتیا د پرمختګ په حال کې دي غواړي، چې د جګړې له لارې د سوریې ازادپوځ او انقلابیان ختم کړي او دې ته وخت پاتې نه شي چې انقلابیان دې له ښاره ووځي.

اړوند مطالب

ځواب دلته پرېږدئ

ستاسو برېښناليک به نه خپريږي. غوښتى ځایونه په نښه شوي *

Close