د حکومت اختلاف افغانستان له هالیفکس کنفرانسه بې برخې کړ

 سرلیکنه

د ملي يووالي په حکومت کې د ارګ او اجرائيه رياست اختلافات اوج ته رسيدلي دي، چې اوس يواځې د ډاکټر عبدالله او اشرف غني ترمنځ اختلاف نه بلکې د شمالي ټلوالې د ټولوغړو او ارګ د نږدې کسانو ترمنځ اختلافات او يو له بله سره چنو وهلو افغانستان په نړيواله کچه د زوال سره مخ کړ.

د مخه يواځې د ارګ او ډاکټر عبدالله ترمنځ اختلافات وو، په ځينومسائلوبه یې سره زړونه بد شول؛ خو اوس چې د جمعيت ګوند اجرايوي رئيس عطامحمد نور پوهيدلی ډاکټر عبدالله د ارګ سره د چنو وهلو توان نه لري، خپله یې د ارګ سره په مخالفتونو پيل کړی دى، چې د معلوماتو له مخې شايد ارګ مجبور کړل شي شمالي ټلوالې ته يو څه امتيازات ومني.

د شمالي ټلوالې او ارګ اختلافاتو افغانستان دومره بې باوره کړ، چې ارګ او اجرائيه رياست  په کاناډا کې د ناټو د سازمان او یو شمير نورو هيوادونو لخوا د امنيتي مسايلو د کنترول او په نړيواله کچه د ترهګرۍ د مخنيوي لپاره د غور کولو په موخه یې دهالیفکس په نامه کنفرانس جوړکړی، چې افغانستان ته پکې ځانګړى ځاى ورکړل شوى و.

دا لومړى ځل دی چې په کاناډا کې د ناټو لخوا په امنتيتي کنفرانس کې افغانستان د اختلافاتو له امله بې برخې پاتې کيږي او افغان چارواکي هم پرې په دې خاطر چې اختلافات پټ وساتي، په کنفرانس کې په نه ګډون چوپ پاتې دي.

په کاناډا کې د “هالیفکس” په نامه د ناټو سازمان او یو شمېر نورو هېوادونو ترمنځ د نومبر له ۱۸ تر ۲۰ مې نيټې پورې یو نړیوال کنفرانس ترسره شو، چې ټول بحثونه یې په سيمه کې په ځانګړې توګه افغانسان او د نړۍ په امنیتي مسایلو او د ترهګرۍ پر وړاندې په مبارزې راڅرخېدل .

په کاناډاکې د ناټو لخوا په هالیفکس درې ورځیني کنفرانس کې افغانستان ته د نوروهيوادونو د مخه بلنه ورکړل شوې وه او هم  زيات اهميت افغانستان ته ورکړل شوى و، چې دا مهال په اسياکې په افغانستان کې د نورو هيوادونو په پرتله زيات اور بل دى؛  خو بدبختانه افغانستان چې نا امنه حالاتو یې سيمه نا ارامه کړې ده، چارواکو یې د اختلافاتو له امله په دې کنفرانس کې د افغانستان په نماينده ګۍ برخه وانه خیسته.

يو شمير تبليغاتي رسنيوچې د حکومت د ګټولپاره ګمارل شوي دي راپورونه خپاره کړل چې افغان نماينده ګانو په کنفرانس کې برخه اخستې وه؛ خو وروسته ثابته شوه چې هيڅ چاهم په کنفرانس کې د افغانستان په نمايندګۍ ګډون نه دى کړى.

په کاناډا کې د ناټو له خوا په جوړشوي کنفرانس کې د افغانستان نه ګډون يو شمير سوالونه ناټو ته راپيداکړل او هغه سوالونه امکان لري ارګ او اجرائيه رياست څخه وکړل شي ترڅو په کنفرانس کې د نه ګډون کولو دلائل وړاندې کړي.

که دلائل د قناعت وړ ونه ګرځولي شي، شايد افغانستان سره د ناټو لخوا تر٢٠٢٠م کال پورې په کيدونکو مرسته بيا له سره غور وکړل شي.

د حکومت دفاع وزارت، اجرائيه رياست او ارګ درې واړه په کاناډاکې جوړشوي کنفرانس کې د نه ګډون په کولو بې ځوابه دي.

داسې ښکاري چې د حکومت  ټولې چارې د ارګ او اجرائيه رياست ترمنځ د اختلافاتو له امله فلج کړل شي.

د تيرو کلونو په نسبت په روان کال کې په افغانستان کې زياتې جګړې شوي. امنيتي ځواکونو او هم ولسي وګړو ته مرګ ژوبله زياته اوښتې ده، چې تر اوسه حکومت د دې ستونزې له حله هم عاجز دى او نه یې د ملګرو ملتونو د سروې ادارې د راپور ځواب ويلی، چې د مرګ ژوبلې په اړه یې ورته وړاندې کړی.

له بلې خوا په افغانستان کې د ملګرو ملتونو د راپور له مخې له ټولو زيات په روان کال کې د ماشومانو د بې سوادۍ کچه لوړه ښودل شوې ده.

 تيره ورځ چې په نړيواله کچه د نومبر شلمه د ماشومانو ورځ لمانځل کيده. په افغانستان کې د بې سواده او له ښوونې اوروزنې د بې برخې ماشوامانو شميره ٣٠ ميليونه ياده کړل شوه.

په افغانستان کې چې ٣٠ ميلونه ماشومان له تعليمه بې برخې پاتې شي دا ټول به د څلورو پنځو کلونو وروسته په  جګړو لاس پورې کوي او يابه هغه جنايات کوي، چې ټولنه به د تباهيو کندې ته ټيل وهي، په نتيجه کې همدا اوس او هم وروسته د افغانستان په اړه راتلونکې تياره او مسئوليت یې د موجوده حکومت په غاړه دى.

اړوند مطالب

ځواب دلته پرېږدئ

ستاسو برېښناليک به نه خپريږي. غوښتى ځایونه په نښه شوي *

Close