د دار فلسـفـه…

ثـاقب خپلواک

عشق د منصور ستایو، ښکلا مو ده د دار فلسفه

تل مـو غندلې د په مېنه د زینار فلسفه

کیف د وجود کړلو په وجد د منصور مریدان

چې یې د دار مراقبه کړه د ایثار فلسفه

نن چې شبلی نشته، پرې څوک به د ګل واری وکړې؟

دکوثر جام تـه رسوي بې د خمار فلسفه

چی ریږدیدل ترې د شیطان د پیراوانو زړونه

پره کړه، هغه د پاڅون ستورو د مدار فلسفه

شو سره غاړه غړۍ ښه په ښه سپیڅلې مینه

لکه د عشق ګریوان ته ستن، چې وړي د تار فلسفه

شوه یې بې قدره، دې بدرنګ ښار کې سیکه د ښائیست

یوسفي حسن تې لیلام ژدي د بازار فلسفه

د زولنو له شرنګه خوند اخلي ملنګ طالب جان

کړه یې مهار بیا د رباب او د سیتارفلسفه

اه! د شهید شپونکي شپیلۍ د ویر سندری وایې

بیا یې نغمې ستایې د خوژ زړه د پرهار فلسفه

را وړې تختې بې د رحیل، اوس دتابوت لپاره

لاړه ماشـومو تلوسو نه د چنار فلسفه

بیا انتقام به یې غازیان له دې مغــرورو اخلي

ازار وهلې بې وهي بیا د ازار فلسفه

ها کړی ژمنی یې پوره کړې دخپل سرپه بیه

ثـاقبه زړو نه د زلمو وتې د ډار فلسفـه

اړوند مطالب

ځواب دلته پرېږدئ

ستاسو برېښناليک به نه خپريږي. غوښتى ځایونه په نښه شوي *

Close