د روزګان دهراود کې ۲تنو امنیتي سرتېرو د قمندان په شمول خپل ۶تنه ملګري ووژل

کابل ټکی کام ۲۵وږی/۱۳۹۴

راپور: احمدالله مهاجر

د روزګان له دهراود ولسوالۍ څخه په ترلاسه شویو راپورونو کې ویل شوي دي چې بېګاه شپه ۲ تنو امنیتي سرتېرو د زرتالي په سیمه کې په خپله پوسته کې په مېشتو ملګرو ډزې وکړې.

ځایي خلک وايي چې په دې برید کې د قمندان صالح محمد په شمول ۶تنه نور امنیتي سرتیري ووژل شول.

دوی وایي چې له برید څخه وروسته یادو ۲تنو له خپلو ملګرو څخه یو ثقیل، ۲۰۰۰ د ثقیل او ۱۵۰۰ د کلاشنکوف مرمۍ او نور مهمات تر طالب وسله والو پورې ورسول.

د ځایي خلکو پر وینا چې د قمندان صالح په پوسته کې مېشتو امنیتي سرتېرو د ملکي وګړو په وژلو کې لوی لاس درلود.

اړوند مطالب

ځواب دلته پرېږدئ

ستاسو برېښناليک به نه خپريږي. غوښتى ځایونه په نښه شوي *

Close