د روسیې ایوانوف ایالت کې چاودنې ۵ کسان وژلي

کابل ټکی کام ۱۷لړم/۱۳۹۵، سمسور ګیلاني

خبرونه وايي، چې د روسیې د ایوانوف ایالت په یوه دوه پوړیزه ودانۍ کې چاودنه شوې ده.

د راپورونو له مخې چې په دغه ودانۍ کې ۲۱ کسان اوسېدل.

په چاودنه کې ۵ کسان وژل شوي دي.

همدا راز د ودانۍ لویه برخه له منځه تللې ده او سخته اور لګېدنه هم رامنځته شوې ده.

په ودانۍ کې د پاتو کسانو د ژغورنې هڅې پیل شوي دي.

د دولتي چارواکو له قوله چې د چاودنې لامل لا څرګند نه دی، خو ښایي د ګازو په نلکیو کې د ستونزې له کبله رامنځته شوې وي.

اړوند مطالب

ځواب دلته پرېږدئ

ستاسو برېښناليک به نه خپريږي. غوښتى ځایونه په نښه شوي *

Close