د زابل والي په موټریز کاروان برید شوی، ۲تنه ټپیان شوي

 (کابل ټکی کام ۱۳۹۵ لیندۍ ۱۴) زرغون خوږیاڼی

د زابل والي بسم الله افغانمل پر موټریز کاروان خونړی برید شوی دی، ویل کیږي چې برید ددغه ولایت د شهری صفا ولسوالۍ او کلات سیمو تر منځ شوی دی.

د زابل والي بسم تالله افغانمل رسنیو ته پيښه تائيد کړې ده، نوموړي ویلي چې نن غرمه شاوخوا ۱۱ بجې د شهری صفا ولسوالۍ د جلدک سیمه کې یې موټریز کاروان چې د پولیسو د ټانګونو په توسط بدرګه کیدو، تر برید لاندې راغی. د نوموړي په وینا، ده ته کوم زیان نه دی رسیدلی او یواځې دوه موټر چلوونکي يې ټپيان شوي دي.

د افغانمل په خبره وسله وال بریدګر دده د ساتونکو او پولیسو له مقابل برید سره مخ شول، چې نښتې نږدې نیم ساعت دوام وکړ او دوی له سیمې نه روغ رمټ ووتل.

نوموړي په یاده نښته کې د وسله والو د مرګ ژوبلې په اړه هم څه نه دي.

تر دې دمه چا د یاد برید مسئولیت نه دی منلی.

په زابل ولایت کې په بسم الله افغانمل دا دویم برید دی، چې نوموړی ترې روغ وزي.

څو میاشتې وړاندې هم د زابل والي بسم الله افغانمل د شاجوی ولسوالۍ اړوند سیمه کې تر برید لاندې راغلی و؛ خو نوموړی ترې روغ ووت.

طالبانو د یاد برید مسئولیت منلی و.

اړوند مطالب

ځواب دلته پرېږدئ

ستاسو برېښناليک به نه خپريږي. غوښتى ځایونه په نښه شوي *

Close