د سالنګ لويه لار يوځل بيا د ترافيکو پرمخ وتړل شوه

(کابل ټکی کام، ۱۳۹۷، سلواغه ۲۴)

د سالنګونو د ساتنې او څارنې مسؤل انجينر عبدالبصير حبيبي وايي، د سالنګونو لاره يوځل بيا له پرون ماښام راهيسې د ترافیکو پرمخ تړل شوې ده.

د حبيبي په وينا، د واورې زيات ورښت، توپاني هوا او برف کوچونه د لارې د بنديدو لامل شوي دي.

ځايي مسؤلين وايي، که موټرو ته اجازه ورکړل شي نو طوفانونه پر سړک موټرو واورې شيندي چې د موټرو د بند پاتې کېدو او چپه کېدو خطر وي زياتوي هڅه کوو چې نن تر غرمې واورې پاکې موټرو ته د تګ راتګ اجازه ورکړل شي.

سږ کال د ژمي مياشتو کې څو ځلې د زياتې واورې د ورښت له کبله د سالنګونو لاره بنده شوې او د يوې يا دو ورځو په تيريدو بيرته پرانيستل شوې ده.

سالنګ د افغانستان تر ټولو لويه او مهمه ترانيزيټي لار ده او د څو شمالي ولايتونو وګړي هم پرې تګ راتګ کوي چې هرکال د ترافیکو پر مخ د واورې د ورښت له کبله تړل کېږي.

اړوند مطالب

ځواب دلته پرېږدئ

ستاسو برېښناليک به نه خپريږي. غوښتى ځایونه په نښه شوي *

Close