د شهیدانو ورځ که د لنډغرو د انډوخر ورځ؟

آصف الله آصفي

شهید په اسلام کې تر ټولو ستر مقام لري، آن  چې  شهادت له دنیا څخه د آخرت پر لور یواځینی سفر دی چی الله تعالی ورته په قرانکریم کې خلک له وژل شوي ویلو نه په کلکه منعه کړې دي:

 وَلَا تَقُولُوا لِمَنْ يُقْتَلُ فِي سَبِيلِ اللَّهِ أَمْوَاتٌ ۚ بَلْ أَحْيَاءٌ وَلَٰكِنْ لَا تَشْعُرُونَ.بقرة ۱۵۴.

 یعنی: تاسی هغه چاته چې د الله په لار کې ووژل شي مړه مه وایاست، بلکې هغوی ژوندی دی خو تاسې یې نشئ حس کولای.

په بل آیت کې دا هم ورسره اضافه شوي دی چی بلکي هغوی ته د خپل رب سره روزي ورکول کیږي.

دا چی افغانستان په شهر ناپرسان بدل شوی چې هر څوک په هر ډول مرګ ومري نو پلویان یې شهید بولي، که امریکایی مړ شي دوستم یې ځکه شهید بولي چې ولي النعة یې دی، که مسلمانان په خپلو منځو کې مړه شي هم پلویان یې په ړندو سترګو شهید بولي که څوک یې د یوه شنیع عمل پر مهال ووژنی هغه ته بیا تر ټولو ستر شهید وایی  لکه احمدشاه مسعود، د کمونستانو په وخت که خلقیان به وژل  کیدل نو هغوی به  خپل  مړي ته سور شهید وایه، کله ناکله به یې روسانو ته هم شهیدان ویل.

باید پدې پوه شو چې شهید یوه الهي مرتبه ده چې یو شرعي چوکاټ لري څوک چې ووژل شي او په هغه چوکاټ کی راشي د شریعت له مخې ورته شهید ویلای شو، خدای تعالی فرمایی:  څوک چی د خدای په لار کی ووژل شي هغه شهید دی.  او بس.

هر څوک دی په خپل ګریوان کې سر ښکته کړي، او فکر دی وکړی سترګی دی نه پټوي چې زمونږ پر وژل شویو کې څوک څوک د خدای په لار کې وژل شوي؟ څوک  څوک د روسیی لپاره وژل شوي؟ څوک څوک د امریکا لپاره وژل شوي او وژل کیږي؟؟؟

او څوک څوک په رښتیا خاص د خدای په لاره کې وژل شوي، او څوک څوک د اروپا لپاره  وژل شوي؟ له دی پس قضاوت کولای شي چې شهید یواځي همغه شخص  شهید دی چی خاص د خدای تعالی لپاره وژل شوی وی، آن که څوک یواځي د هیواد د خدمت په نیت وژل کیږي هغه هم د شریعت له مخې شهید  نشي ګڼل کیدای، شهید یواځي یواځي همغه چاته ویل کیږي چی د خدای د رضا په خاطر دخدای په لاره کی شهید شوی وی او بس.

رابه شو اصلی موضوع ته او هغه دا چي آیا په شریعت او اسلام کی د شهید  په  نوم ورځ تعیینول کوم اساس لری؟ آیا خدای تعالی په قرآن کې داسې څه ته اشاره کړی؟ آیا رسول الله داسی څه ویلی؟ آیا له 1400 کلونو راهیسې  اسلامي خلافت داسي  کومه ورځ ټاکلی؟ آیا په صحابه وو کي په زرګونو پاک شهیدان نه لرو؟ ایا عمر رضی الله عنه شهید نه دی؟ آیا علی رضی الله عنه شهید نه دی؟ آیا حسین رض شهید نه دی؟ ایا حنظلة رضی الله  عنه شهید ندی؟ ایا حمزه رضی الله عنه شهید ندی؟ او داسی بی حسابه شهیدان لرو. خو هیڅکله یې ورځ د لمانځلو لپاره نده ټاکل شوی نو ویلا شو چی داسی ورځ ټاکل حرام دی او لمانځونکی یی حرامیان دی.

که په شریعت کی دا شی وي نو د سید الشهداء  حمزه رضی الله عنه، چی د رسول سپین ږیری تره  و، او د شهیدانو د سید او مشر لقب یې هم ورکړی، ولی یې ورځ نده لمانځلی او ولی تر ننه یی څوک نه لمانځي، د ورځو لمانځل د غرب نه په دموکراسۍ کی راروارده شوی غلطه  مفکوره او ذهنیت  دی چی زمونږ هیوادوال یی د پوډریانو په څیر پری اخته کړی دی.

بله خبره دا چی که  بیا هم څوک ووایی چی د  شریعت له مخی نه بلکې د دموکراسۍ لپاره یی لمانځي نو دوی ته وایو چې آیا په ګرده  متمدنه  نړۍ کې د ورځو لمانځل بیا په همدې شکل وي لکه تیره ورځ چې په کابل کې ولمانځل شوه؟

آیا دې ته څوک د ورځي لمانځل ویلای شي؟ نه هیڅکله نه، بلکې دیته د لنډغرو انډوخر ویلای شي او بس.

که دولت غواړی د شهیدانو د ورځي په  نوم کومه ورځ غوره کړي نو دا ورځي دې همدې لنډغرو ته ورپریږدي او د اصیلو شهیدانو لپاره دی کومه بله ورځ په پام کې ونیسي.

د لنډغرو دا لنډغري او انډوخر ثابتوي چې نه د دوی لاره اسلامي ده نه له اسلام نه خبر دی، نه یی د اسلام لپاره مبارزه او مقاتله کړې او نه د اسلام څه پروا لري، او نه یې وژل شوی کسان د اسلام په چوکاټ کی وژل شوي دی، بلکې دا هغه خلک دی چی په اړه یی خدای تعالی فرمایلی دی چی: خسر الدنیا و الآخرة. یعنی دنیا  او آخرت یې دواړه له  لاسه ورکړی.

احمد شاه مسعود نه روسانو وژلی، نه امریکایانو او نه هم یهودیانو او نه هندوانو او سیکانو، ټولو ته معلومه ده چی هغه مسلمانو عربانو په  دې دلیل وژلی چی د مسلمانانو پر ځای لاړو د اروپایانو سره یی لاس یو کړی د هغوی لمن یې ونیوه او اروپایانو هم د مسلمانانو سره د جګړو د پیل کولو په مخ د لس زریزه فوځ د جوړولو او امکاناتو ورکولو تعهد وکړ، او مسعود هم ورسره تعهد وکړ چی هیڅ ډول افراطیت ( اسلام) ته به اجازه ورنکړی (ولو اسلامی باشد!!) دا ویډیو کلیپ موجود  دی هر  څوک یی  کتلی  شی، چې نن سبا په ټولنیزو رسنیو کی هم ښکته پورته کیږي، په دې کلیپ کې مسعود، بوش ته هم پیغام ورکړی چې که ورسره مرسته ونکړی نو اسلامي حکومت به حاکم شي او امریکا ته به ستر ګواښ پیدا شي، نو ځکه عربانو وواژه،

په زغرده ویلای شو چې مسعود هیڅکله هم د خدای په لار کی نه بلکی د بوش او اروپا په لار کی  وژل شوی، او په دوهم قدم کی د مسلمانانو په لاس  وژل شوی، نو ځکه داسی وژل شوي ته په اسلام کی شهید نشي ویل کیدای بلکې د لنډغرو د مشر وژل کیدای شي.

په کابل کې د تیرې ورځې د لنډغرو انډوخر کوونکي هم ټول د امریکا په ډالرو مست انډوخر کوي دا  هغه خلک دی چی تر پرونه په وچې ډوډۍ پسی سرګردان وو، یا نان بایان وو، یا د ښارونو د کوڅو صفاکارن وو او یا کراچي کش کوونکي وو، ونن چې دوی د کابل ښاریان په ډول ډول نوی ماډل موترو زوروی او په عذابوي دا د امریکا هغه پیسی دی چی د دوی مشرانو ته یې په پنجشیر کې د طالبانو پر ضد د جګړي لپاره ورکړی وی، نو ځکه دې ته د شهیدانو نه بلکې د لنډغرو د انډوخر ورځ ویلای شو.

اړوند مطالب

ځواب دلته پرېږدئ

ستاسو برېښناليک به نه خپريږي. غوښتى ځایونه په نښه شوي *

Close