د طالب له سپیره سنګر څخه خپلو مشرانو ته څو ټکي

ليکوال: طالب

د اسد (زمری) میاشت روانه ده او زه د زمري له میاشتې سره خاصه مینه لرم، ځکه چې له نن څخه پوره ۹۹ کاله وړاندې د اسد د میاشتې ۲۸ نیټه وه چې زموږ نیکونو په ډیرو قربانیو سره د وخت وحشي ځناور راڅملاوو او داسې توبه یې پرې وویستله چې نور به د ګران هیواد خوا ته راګوري هم نه، نن تقریباً اولس کاله کیږي چې هماغه د انګلیس زامن (امریکا) په ډیر غرور او ټوپونو د خپلو منافقو مسلمانانو او وطن پلورونکو افغانانو په مټ په ګران هېواد تیری کړی دی.

الحمدالله مجاهدینو د دوی ستراتیژي او ټکنالوژي دواړه له ماتې سره مخ کړي دي، په هر ډګر کې یې پر دوی داسې ګوزارونه وکړل چې حتا دوی اوس پر خپلو امریکایانو فوځیانو هم، افغانان خو لا پریږده، تر ډیره اعتماد نه کوي. کله چې د دوی کوم مشر د خپلو فوځیانو لیدو ته راځي، دوی اول خپل فوځیان معاینه کوي او چې پوره مطمین شي چې دماغي ناروغي نه لري، بیا یې د مشر مخې ته راولي. دا په دې معنی ده چې مجاهدینو د خپلو مشرانو په لارښونه، د ملت په دعا او همکارۍ او د الله تعالی په مرسته خپله دنده پوره په امانت او اخلاص سر ته رسولې ده.

زه له خپل سنګر څخه خپلو مشرانو ته یو څو ټکي وړاندې کوم. کیدای شي د ځینو بې احساسه افغانانو په فکر زما سنګر سپیره او ګډوډ وي، رشتیا ده چې پرته له څو اغزنو بوټو، کاڼو، خاورو او د کارتوسو له پوچکو پرته بل شی نه لری، ولې زما لپاره همدا سپیره سنګر د دنیا په سر جنت دی، دا سنګر ما ته خپله مور ده، زما دلته ملګري شهیدان شوي دی، زما پلرونو د همدې سنګر په برکت د وخت لوی ځناور څملولي دي، دا سنګر له پلار نه ما ته په میراث پاتې دی او په مکمل ایمان لرلو سره د همدې سنګر په برکت مجاهدینو نن صلیبیان هم په ګونډو کړي دي.

نن سبا په مطبوعاتو کې د سولې خبرې ډیرې ګرمې روانې دي او دا ښه خبره ده؛ ځکه چې سوله د اسلام په چوکاټ کې د هر افغان حق دی.

درنو مشرانو موږ پوره باور لرو، پر تاسو ویاړو او ستاسو اوامر پر خپل ځان واجب بولو، ستاسې هره پریکړه مجاهدین له خپلو سپیرو سنګرونو څخه څاري او ډیر زیات ورته خوشالیږي، ستاسو ډیره کوچنۍ بریا مجاهدینو ته ډیره همت او قوت ورکوي، د بیلګې په توګه د تیر کال د پکواش د غونډې سوبه داسې یو مثال لري لکه مجاهدینو چې بسته یو زون (څو ولایته) فتحه کړي وي.

درنو مشرانو! څه فکر کوي له صلیبیانو څخه به د صلیبي جنګونو ماته له یاده ووځي، د میوند ولسوالۍ بریا به د دوی له یاده وتې وي، د انګریزانو تقریباً شل زره کسیزه پوځ او له هغه جملې څخه یواځې د ډاکتر برایډن ټپي پاتې کیدل به دوی ته په یاد نه وي پاتې. حقیقت دا دی چې دوی ته هر څه ښه په زور او زیر یاد دي. صلیبیانو په میلیاردونو ډالر د مجاهدینو د ختمولو لپاره مصرف کړي او په ملینونو ډالر هم د مجاهدینو د بدنامولو لپاره مصرفوي او همدومره پیسې نورې د سپیڅلي جهاد د بدنامولو او د خپل ځان په ګټه تمامولو لپاره هم مصرفوي.

درنو مشرانو! مجاهدینو د الله تعالی په نصرت صلیبیان په ګونډو کړي دي، اوس په سياسي ډګر کې پر مخ څپیړه ورکول ستاسو کار دی، ښه ورته بیداره شئ او له هر حرکت نه یې ځان باخبره وساتئ، د خپلو نیکونو تاریخ ته نظر وکړئ. مکناټن د وخت د مجاهدینو قومندانانو ته مختلف قسم خطونه نه و استولي چې بیا افشا شول، د ګندمک په معاهده کې یې له چل او فریب څخه کار وانخیست او داسې نور.

دوی د خپلو منافقو ملګرو په مټ هر ډول فشارونه پر تاسو اچوي او کوښښ کوي چې سپیڅلی جهاد بدنامه کړي، دوی د صلیبي جګړو په څیر دلته نور مات شوي دي، اوس دوی په دې کوښښ کې دي چې د خبرو میدان په خپله ګټه پای ته ورسوي.

صلیبیان کوښښ کوي چې له مختلفو لارو د چل او فریب په واسطه تاسې بدنامه، مایوسه، وارخطا او قهرجن کړي، ترڅو تاسو بې ثباته قدم کړي او داسې پریکړه وکړئ چې الله مکړه جبرانول به یې بیا ډیر مشکل وي، ترڅو دوی ستاسو هغه غلطي نړیوالو ته وښیي او د خپل ځان په ګټه یې پای ته ورسوي او مجاهدینو ته ووایې چې ستاسو د لکونو قربانیو نتیجه دغه وه.

درنو مشرانو! په خپلو پریکړو کې الله تعالی حاضر وګڼئ او خاص یې د الله تعالی لپاره وکړئ. ۱۷ کاله مخکې نظامي فشارونه ډیر زیات ول، الله تعالی دغه فشارونه ډیر کم کړل او ساحه یې پراخه کړه، اوسني فشارونه به هم الله تعالی کم کړي، ولې په دې کې ستاسو مشرانو زغم او حوصله ډیره مهیمه او لومړنی شرط دی.

د الله تعالی له درباره تاسو ته لا زیاته حوصله، صبر، زغم او د فشارونو په وړاندې استقامت غوارم الله تعالی دی موږ او تاسو ثابت قدم ولري. په دې کې هیڅ شک نشته چې د مسلمانانو لپاره او هغه هم په اوسني شرایطو کې چې دین د سکروټې مثال لري، دا هر څه د الله تعالی له طرفه یو امتحان دی، الله تعالی دې موږ ټولو ته همت او قدرت راکړي، چې په دې امتحان کې بریالي شو. امین

و من الله توفیق

ټېګونه

اړوند مطالب

ځواب دلته پرېږدئ

ستاسو برېښناليک به نه خپريږي. غوښتى ځایونه په نښه شوي *

Close