د فوټبال شپاړلس کلنو لوبډلې تاجکستان ته ماتې ورکړه

(کابل ټکی کام، ۱۳۹۷، چنګاښ ۱۷) د افغانستان د شپاړلس کلنو لوبډلې د اسيا د مرکزي حوزې د فوټبال اتلوليو د سياليو په لړ کې تاجکستان ته د صفر يو پر وړاندې ماتې ورکړه.

افغانستان تر دې مخکې په خپله لومړنۍ سيالۍ کې کوربه هېواد ازبکستان ته د يو پر څلور ماتې ورکړې وه.

مسئولين وايي، د فوټبال د شپاړلس کلنو لوبډله به د چنګاښ په اتلسمه خپله درېيمه سيالي له قرغستان سره کوي.

د افغانستان د فوټبال ملي فدارسيون څه موده مخکې په ازبکستان کې د دغه لوبو د پېلېدو خبر ورکړی و.

د هېواد د فوټبال شپاړلس کلنو لوبډلې تېر کال د ایران د اسيا د مقدماتي سياليو په لړ کې د درې او يو پر وړاندې له قرغستان څخه لوبه ګټلې وه.

د ۱۶ کلنو ملي لوبډله له دې وړاندې په یوه روزنیز کمپ کې د ګډون لپاره عمان ته تللی و او د عمان په وړاندې په دوه دوستانه لوبو کې هم برخه اخیستی وه.

د شپاړلس کلنو ملي لوبډله ټول دوه ويشت لوبغاړي او دوه روزونکي لري.

اړوند مطالب

ځواب دلته پرېږدئ

ستاسو برېښناليک به نه خپريږي. غوښتى ځایونه په نښه شوي *

Close