د ملاتره خيل پلويانو کابل کې د ټاکنو کمېسيون دروازه وتړله

(کابل ټکی کام، ۱۳۹۷، زمری ۲۲)

په کابل کې د ملاتره خيل سلګونه پلويانو د احمد شاه بابا له مينې نيولې تر ټاکنو کمېسيون پورې لاره تړلې او د دغه کمېسيون دروازې ته يې قلف اچولی.

د کابل ټکی کام خبريال وايي، د تره خيل پلويانو د ولسي جرګې د نوماندانو له نوملړه د هغه د نوم د ايستلو په غبرګون دا کار کړی او د ټاکنو کمېسيون مخې ته خيمه هم درولې ده.

نوموړی زياتوي، د یاد کمېسيون د تړلو سربيره اعتراض کوونکو د کابل جلال اباد لويه لاره هم د ترافيکو پر مخ وتړله چې پوليس يې د خلاصولو هڅه کوي.

د تره خيل د پلويانو سربيره د ضياءالحق امرخيل یوشمير کسان هم راغلي او په دغه لاریون کې يې برخه اخيستې ده.

ويل کېږي، پوليسو د اعتراض کوونکو د پاشلو او لارې خلاصولو لپاره هوايي ډزې هم کړي خو تر اوسه د مرګ ژوبلې اوښتو په اړه معلومات نه دي ترلاسه شوي.

د ټاکنو شکاياتو کمېسيون د ولسي جرګې د نوماندانو له وروستي نوملړه د ملاتره خيل، ضياءالحق امرخيل او فوزيه کوفي په ګډون د پنځه دېرش کسانو نومونه په دې تور له ليسته ايستلي چې په وينا يې دوی خپلسري وسله وال لري او د ځمکو د غصب شکايتونه پرې شوي دي.

خو ياد نوماندان وايي، چې دوی سره عقده يي چلند شوی او دا د حکومت له لوري سياسي پريکړه ده.

تېره ورځ د ټاکنو کمېسيون د دارالانشاپخواني رييس او د ولسي جرګې انتخاباتو له نوملړ څخه ايستل شوي نوماند ضياءالحق امرخيل په ژوندۍ ويډيو کې وويل، چې د ټاکنو شکاياتو کمېسيون مسوولينو ترې ځانونه پټ کړي او د دغه کمېسيون رييس له کورنۍ سره هندوستان ته تللی، دفتر يې تړلی، کارمندان يې تښتېدلي دي.

ټېګونه

اړوند مطالب

ځواب دلته پرېږدئ

ستاسو برېښناليک به نه خپريږي. غوښتى ځایونه په نښه شوي *

Close