کابل ټکى کام (پنجشنبه ، ٩ لړم ، ١٣٩٨ل)
يوه روسۍ ښځه چې فکر کيږي د نړۍ تر ټولو د زيات عمر لرونکې ده، په داسې حال کې ومړه چې د کورنۍ غړي او دوستان یې ورسره ول. د هغې زوی ويلي چې مهرباني او مثبت فکر د هغې د اوږده ژوند راز وو.
په خټه روسۍ “تنزيليا بيسمبيايوا” چې د نړۍ د تر ټولو زيات عمر لرونکي کس په توگه یې نوم په ۲۰۱۶م کال کې د “گينس” د ريکارډونو په کتاب کې ثبت شوی و، د ۱۲۳ کلونو په عمر مړه شوې ده.
“بيسمبيايوا” د ۱۸۹۶ م کال د مارچ پر ۴ نیټه د روسیې په جنوب کې د آستراخان سيمې په اسلام غازي کلي کې زيږيدلې وه. د هغې زوی “شينتاس بيسمبيايوا” د چهار شنبې په ورځ د روسیې انترفکس خبري آژانس ته د خپلې مور د مړينې خبر ورکړ.
نوموړي وويل چې مهرباني او د ژوند په اړه مثبت نظر د هغې د اوږد ژوند تر شا مهم رازونه ول. نوموړي زياته کړه: هر چا هغې ته احترام درلود. هغه يوه ميلمه پاله او د پرانيستي فکر لرونکې ميرمن وه.”
د آستراخان د کراسنويارسک سیمې گورنر نورگالي بايتميروف، د روسیې تاس خبري آژانس ته وويل چې “ډېرو خلکو د درناوي له مخې د هغې په جنازه کې ګډون کړی.
“تنزيليا بيسمبيايوا” څلور اولادونه وروزل. د ژوند په وروستيو پنځو کلونو کې هغه د خپل تر ټولو کشر زوی اونږور سره اوسېدله. هغې لس لمسي، ديارلس کړوسي او دوه کوسيان لرل.
فکر کيږي چې نوموړې به په تاريخ کې دويم کس وي چې د ۱۲۰ کالونو عمر ته رسېدلې ده.
په ۲۰۱۷م کال د کې د روسیې د شمالي قفقاز د کباردينو – بالکاريا جمهوريت ۱۲۷ کلنه “نانو شووا” د ۱۲۷ کلونو عمر ته په رسېدو سره د “بيسمبيايوا” ریکارډ مات کړی و.
