د نړۍ تر ټولو ګران بیه کب

په جاپان کې یو ’کوی کارپ‘ (Koi Carp) ډوله کب په ۱۴ لکه پاونډه پېرل شوی، چې په دې سره د دنیا تر ټولو ګران بیه کب بلل شوی دی.

د برېتانوۍ ډېلي مېل ورځپاڼې د خبر له مخې، دا درې فټه او درې اینچه اوږد کب له ټایوانه راوړل شوی و، چې وروسته یې خاوند د لیلامولو پرېکړه وکړه.

دا سور او سپین رنګه کب د جاپان په هیروشیما ښار کې لیلام ته وړاندې شو، او بېلابېلو اخیستونکو بولۍ ولګولې.

یوه کس د ۱،۴ میلیونه پاونډو په بیه ټاکلو سره د نړۍ دا تر ټولو ګران بیه ماهی رانیو.

’کوی کارپ‘ کبان زیاتره په جاپان کې موندل کیږي. دا ماهیان د ارایش او ښکلا لپاره ساتل کيږي. جاپان په ۲۰۱۶ز کال کې د ۲۹۵ ټنه کوی کبانو په صادرولو سره ۲۸ میلیونه پاونډه ترلاسه کړې وو.

سرچینه
ډېلي مېل

اړوند مطالب

ځواب دلته پرېږدئ

ستاسو برېښناليک به نه خپريږي. غوښتى ځایونه په نښه شوي *

Close