د هېواد وتلی عالم شیخ الحدیث مولانا عبدالرشید په حق ورسید

(کابل ټکی کام ۱۳۹۵ مرغومی ۱) زرغون خوږیاڼی

د هیواد نامتو عالم شیخ القران والحدیث حضرت مولانا عبدالرشید صاحب له دې فاني نړۍ وکوچید.

د هیواد وتلی عالم شیخ القران والحدیث حضرت مولانا عبدالرشید نن ماسپښین ۳بجې د پيښور په نارت ویسټ روغتون کې ساه ورکړه.

شیخ صاحب عبدالرشید د کابل ولایت د موسهي ولسوالۍ اوسیدونکی و او خپل ټول عمر یې په دیني درس او تدریس کې تیر کړ، له نوموړي څخه په سلګونو زده کوونکو د قرانکریم تفسیر او د حدیث شریف درسونه زده کړي دي.

شیخ صاحب عبدالرشید د دیني علومو خزانه تر شا پریښې، چې دده زوی شیخ القرآن والحدیث عبدالحمید حماسي هم په مدارسو کې د دیني زده کړو په ښوونه بوخت دی.

د مرحوم شیخ عبدالرشید صاحب جنازه به سبا ته د کابل د موسهي ولسوالۍ په قلعه عبدالرؤف سیمه کې اداء کیږي.

ټېګونه

اړوند مطالب

ځواب دلته پرېږدئ

ستاسو برېښناليک به نه خپريږي. غوښتى ځایونه په نښه شوي *

Close