د وينزوېلا پر ولسمشر د بې پيلوټه الوتکې بريد شوی

(کابل ټکی کام، ۱۳۹۷، زمری ۱۴)

د يوې غونډې پر مهال د وينزوېلا هېواد پر ولسمشر نيکولاس مادورو د بې پيلوټه الوتکې بريد شوی خو نوموړی له دغه بريده روغ وتلی دی.

پېښه هغه مهال شوې کله چې نوموړي د پوځي مراسمو پر مهال وينا کوله او په هوا کې د نوموړي سټيج ته نږدې بې پيلوټه الوتکې چاودېدلي دي.

د دغه هېواد د مخابراتو وزير خورخي رودریګیز ويلي، دا د ولسمشر د وژلو هڅه وه خو يواځې په پېښه کې اووه پوځيان ټپيان شوي دي.

نوموړی وايي، له چاودېدونکو توکو ډکې دوه بې پيلوټه الوتکو د ولسمشر د وينا مېز ته څېرمه په هوا کې چاودنې وکړې.

له چاودنو وروسته د پوځي مراسمو غونډه ګډوډه شوې او په ځينو ويډيوګانو کې ښکاري چې د پېښې له ځای څخه لوګي پورته کېږي.

په وروستيو کې په وينزوېلا کې سياسي کړکيچ او اعتراضونه شوي چې واک يې کيڼ اړخو اخيستی او د دغه بريد مسئوليت پر ښي اړخو اچول شوی چې د چارواکو په وينا په ټاکنو کې يې له ماتې وروسته دغه ډول هڅې پيل کړې.

ټېګونه

اړوند مطالب

ځواب دلته پرېږدئ

ستاسو برېښناليک به نه خپريږي. غوښتى ځایونه په نښه شوي *

Close