د کابل فتحې سره سمدستي د واجب القتل نجيب د اعدام زيري د هېوادوالو خوښي دوه چنده کړه

مل پاسوال میدانوال

کمونستانو چې کله د روسانو په مټ کابل تصرف کړ نو د قلعه جواد حضرت صاحب – چې د هېواد په کچه يې عوامو ا و خواصو کې زيات محبوبيت درلود-کورنۍ په قتل عام سره د عالمانو او مؤمنو هېواد والو نيول او وژل پيل کړل.
احمدشاه مسعود او حکمتيار چې کله کابل ته ننوتل نو پخپل منځي جنګ يې د کابل د ورانولو افتتاح وکړه چې د دوی د واکمنی تر پايه يې دوام درلود او له نيم څخه زيات کابل ښار او شاو او خوا سيمې يې په کنډواله بدلې کړل..
کرزي او شمالي ټلوالی چې د امريکايي زميني او هوايي قواوو او بې دريغه شنو ډالرو په مټ په هېواد قبضه وکړه نو د بې ګناه هېواد والو په نيولو، زندانونو ته اچولو، کورونو او مدرسولو ورانولو او چور او تالان باندې يې افتتاح وکړه چې دا لړۍ په ټول هېواد کې تراوسه دوام لري، چې ورځ تر بلې لا زور اخلي.
مګر طالبانو چې کله له کابل څخه جګړه ماران واېستل د داسې يو چا په اعدام يې د هېواد والو زخمي زړونه ټکور، د شهيدانو روحونه خوښ، د يتيمانو اوښکې وچې آو دکونډو په شونډو مسکا خپره کړه چې د ټولو هېواد والو بلکې ټولې اسلامي نړۍ په نزد واجب القتل و، دا هغه ډاکتر نجيب وه چې د سرتمبګۍ، وحشت او قساوت امله به نورو کمونستانو هم نجيب ګاو بللو .
نجيب ګاو سزا همدا نه ده چې دی د قتل شوی وای او بس، خو په دنيا کې تر دې سخته سزا بله ممکن نه ده او نه اجازه شته، خو موږ په دې باور يو چې الله به د ټولو ظلمونو انتقام ترې اخلي، بلکې تر قيامته د مخه به هم د خپل ظلم د جنس په سزا محکوم وي ان شاء الله.
شاه ولي الله محدث دهلوي رح ليکلی دي چې ما ظالم حجاج بن يوسف په خوب وليد پوښتنه مې ترې وکړه چې څه درسره وشول، هغه وويل: څومره انسانان مې چې په کوم ډول تعذيب وژلي وو د هغوی هر يو تن په بدل کې په هماغه نوعيت تعذيب سره يو يو ځل ووژل شوم، خو د سعيد بن جبير رضی الله عنه د قتل په بدل کې اويا ځله قتل کړای شوم، وای بيا مې ترې وپوښتل چې نور څه طمع لرې څه به درسره وشي؟ ويل يې د الله تعالی له رحمت څخه نا اميده نه يم که مې معاف کړي.
دا خو هغه حجاج وه چې بې ساري ديني خدمتونه يې هم کړي دي بلکې له کافرانو سره يې د امت د نجات او اسلامي دين خپراوي په منظور جهاد جاري ساتلای وو.
ډاکتر نجيب خو روسانو روزلی او ګمارلی د دې لپاره و تر څو د ظلمونو او خپلو عوام فريبانه صلاحتيونو په مټ له فغانستان څخه د اسلام بيخ او ريښې وباسي چې د خپلې واکمنی تر پايه يې په دې هکله روسانو ته خپله وفاداري ثابته کړه، هغه خو د بښنې طمع هم الله تعالی څخه نه شي کولای؛ ځکه چې د اسلامی اهدافو په مقابل کې د کفري اهدافو او کفري نظام لپاره دا ډول صداقت او اخلاص چې هېواد ورانول او په پرلپسې توګه هېواد وال شهيوانول او کورنو څخه کډه کولو ته مجبورولو له امله سړی يې د مسلمانی تصور هم نه شي کولای.

اړوند مطالب

ځواب دلته پرېږدئ

ستاسو برېښناليک به نه خپريږي. غوښتى ځایونه په نښه شوي *

Close