د کاڼي کرښې (پنځلسمه برخه)

مولوي فضل ربي (کوه صافي وال)

 

۱. تفكروا في آلاء الله و لا تفكروا في الله .كنز العمال

ترجمه : د الله تعالی  په نعمتونو کې فکر وکوئ د الله تعالی  په ذات کې فکر مه کوئ .

 

۲. لَنْ يُدْخِلَ أَحَدًا عَمَلُهُ الْجَنَّةَ. صحیح البخاري

ترجمه : هېڅوک په خپل عمل سره جنت ته نشي ننوتلی (ترڅو ورسره د الله تعالی  رحم او فضل ملګری نه شي).

 

۳. لَنْ نَسْتَعْمِلُ عَلَى عَمَلِنَا مَنْ أَرَادَهُ. صحیح البخاري

ترجمه : څوک یې چې خپله غواړي هغه کس ته مونږ مسئولیت نه ورکوو .

 

۴. تفرغوا من هموم الدنيا ما استطعتم فانه من كانت الدنيا اكبر همه أفشي الله ضيعتة وجعل فقره بين عينيه ومن كانت الاخرة اكبر همه جمع الله تعالي أمره وجعل غناه في قلبه .كنز العمال

ترجمه : څومو چې وس وی د دنیا له غمونو څخه ځان خلاص کړئ ځکه د چا چې دنیا لوی ارمان وي الله تعالی  به د هغه رزق ورته خپور کړي او غریبی به د هغه سترګو ته ودروي او د چا چې لوی مقصد آخرت وي الله تعالی  به د هغه کار ورته را غونډ کړي او د هغه زړه ته به غنا ور واچوي .

 

۵.تزوجوا النساء فانهن يأتين بالمال .كنز العمال

ترجمه : له ښځو سره ودونه کوئ (او ددې له وېرې چې مونږ به له واده سره غریبان شو  له واده نه ډډه مه کوئ) ځکه ښځې مال راوړي .

 

۶. لَوْ أَنَّ لِابْنِ آدَمَ وَادِيًا مِنْ ذَهَبٍ أَحَبَّ أَنْ يَكُونَ لَهُ وَادِيَانِ. صحیح البخاري

ترجمه : که د انسان د سرو زرو یوه دره وي هغه به دا خوښوي چې یوه یې بله هم وای .

 

۷. لَنْ يُفْلِحَ قَوْمٌ وَلَّوْا أَمْرَهُمْ امْرَأَةً. صحیح البخاري

ترجمه : هغه قوم نشي کامیابېدلی چې مشري یې ښځه کوي.

 

۸.البلاد بلاد الله والعباد عباد الله فحيثما أصبت خيرا فأقم .مسند احمد

ترجمه : ښارونه د الله تعالی  ښارونه دي او بندګانو د الله تعالی  بندګان دي (په دې کې په دیني لحاظ څه فرق نشته چې دا زما خپل ځای دی دلته ماته اوسېدل غوره دي) چېرته چې درته ښه وه هلته اوسېږه .

 

۹.بين العبد وبين الجنة سبع عقاب أهونها الموت وأصعبها الوقوف بين يدي الله تعالي اذا تعلق المظلومون بالظالمين .كنز العمال

ترجمه : د بنده او جنت په مینځ کې اوه عقابونه دي په ټولو کې سپک یې مرګ دی او په ټولو کې سخت یې د الله تعالی  په وړاندې درېدل دي هغه وخت چې کله مظلومان په مظلومانو پسې ونښلي .

 

۱۰. لَوْلَا أَنْ أَشُقَّ عَلَى أُمَّتِي لَأَمَرْتُهُمْ بِالسِّوَاكِ مَعَ كُلِّ صَلَاةٍ. صحیح البخاري

ترجمه : که زما په امت باندې نه سختېدی ما به ورته امر کړی وو چې د هر مانځه لپاره د مسواک وهي.

اړوند مطالب

ځواب دلته پرېږدئ

ستاسو برېښناليک به نه خپريږي. غوښتى ځایونه په نښه شوي *

Close