روزګان: طالبانو دوه پوځي مرکزونه او ديارلس عسکر ژوندي نيولي دي

(کابل ټکی کام، ۱۳۹۷، لړم ۱۳)

د روزګان ولايت د مرکز مربوط په پای ناوې سيمه کې طالبانو د دولتي ځواکونو په دوو پوځي مرکزونو بريدونه کړي چې له لسو زياتو عسکرو ته پکې مرګ ژوبله اوښتې ده.

له روزګان څخه سيمه ييزې سرچينې وايي، دغه بريدونه د پای ناوې په تبۍ سيمه کې شوي چې په پايله کې يې دواړه پوځي مرکزونه د طالبانو لاسته ورغلي دي.

د سرچينې په وينا، په دغه نښتو کې له لسو زياتو عسکرو ته مرګ ژوبله اوښتې او يو شمير طالبانو ژوندي له ځان وړي دي.

طالب وياند يوسف احمدي هم د يادونو بريدونو د تاييد تر څنګ ويلي، چې په پای ناوه سیمه کې (دوه مهمې قرارګاوې فتحه شي، ديارلس عسکر طالبانو ژوندي نيولي) زياتوي چې د جګړې په پايله کې دوه ټانګونه او په زیاته اندازه وسلې او مهمات هم طالبانو ته لاسته ورغلي دي.

اړوند مطالب

ځواب دلته پرېږدئ

ستاسو برېښناليک به نه خپريږي. غوښتى ځایونه په نښه شوي *

Close