زابل: کلات ښار کې د پوليسو دوه لوړپوړو منصبدارانو خپلې قواوې سره مورچه کړي

 (کابل ټکی کام ۱۳۹۵ لړم ۲۷) الماس خدرخیل

د تازه ورکړل شويو راپورونو له مخې د زابل ولايت کلات ښار کې د پوليسو دوه لوړ پوړو منصبدارانو خپلې قواوې سره یو بل ته مورچه کړي دي.

يوې امنيتي سرچينې کابل ټکی کام ته وويل، چې د دواړو لوریو تر منځ د شخصي شخړې له امله يو بل تر خپل امر لاندې قواوې د ښار په ځينو سيمو کې ځای پر ځای کړي دي.

که څه هم د ملي اردو او د ملي امنيت کارکونکي سيمې ته رسېدلي، خو د ښار اوسېدونکي اندېښنه کوي چې امکان شته حالات له کنټرول نه ووځي او په سيمه کې جګړه ونښلي.

کارپوهان په سيمه کې د نظامي ځواکونو تر منځ نه همغږي او په دغه پوسټونو غير وړ کسان مقررول يوه د ګډ حکومت ناکامي بولي.

تر اوسه پورې د یادو پولیس قومندانانو نومونه نه دي په ډاګه شوي او نه هم روښانه شوې چې یاد قومندانان په کوم ګوند پورې تړاو لري او که نه.

اړوند مطالب

ځواب دلته پرېږدئ

ستاسو برېښناليک به نه خپريږي. غوښتى ځایونه په نښه شوي *

Close