سمنګان: د امنيت د آمر په شمول ۳۰ عسکر وژل شوي دي

(کابل ټکی کام، ۱۳۹۷، تله ۲۴)

د سمنګان ولايت د امنیه قومندانۍ د امنيت د آرم په شمول نږدې دېرش عسکر د طالبانو په بريد کې وژل شوي دي.

ځايي راپورونه وايي، د سمنګان د امنیت امر خواني طاهري له امنيتي ځواکونو سره د دغه ولايت دره صوف ولسوالۍ ته د عملياتو لپاره تللی و چې د طالبانو په بريد کې ووژل شول.

د سمنګان والي عبدالطيف ابراهيمي د خواني وژل تاييدوي زياتوي تيره شپه طالبانو سره له څو ساعته جګړې وروسته وژل شوی دی.

که څه هم نوموړي دولتي ځواکونو ته د اوښتو تلفاتو په اړه کره معلومات نه دي ورکړي خو ازادي راډيو ته ځايي سرچينو ويلي چې په دغه بريد کې نږدې ديرش دولتي عسکر وژل شوي دي.

طالبانو هم د سمنګان د امنیت آمر وژل کېدل تاييد کړي او وياند يې ذبيح الله مجاهد په خپله ټويټر پاڼه لیکلي: تیره شپه د سمنګان ولایت دره صوف ولسوالۍ زیرکي سیمه کې د دښمن په عملیاتي قوه حمله شوې. د امنیت د آمر(خواني طاهري) په شمول لسګونه عسکر او پولیس وژل شوي او ټپيان دي، خورا ډیره سپکه او درنه وسله نیول شوې.

ټېګونه

اړوند مطالب

ځواب دلته پرېږدئ

ستاسو برېښناليک به نه خپريږي. غوښتى ځایونه په نښه شوي *

Close