سید محمد؛ د افغان غلامانو پر مخ درنه څپېړه!/ بدرالدین ابدال

موږ باید د الله جل جلاله ډېر شکر اداء کړو، چې موږ یې د نړۍ د نورو خلکو غوندې بې احساسه نه یو پیداکړي. اوسني عرب په خرمستۍ مصروف دي او پر فلسطین چې څومره ظلم عربان کوي، دومره ظلم پرې یهود نه کوي. فلسطین د سعودي عربستان، مصر، عرب متحده اماراتو او نورو عرب هېوادونو له‌خوا هره ورځ ځپل کېږي. اته میلیونه یهود پر ۲۶۳ میلیونه عربانو واک چلوي او ډېری عرب هېوادونه غواړي چې له اسراییلو سره ښې اړیکې ولري او باید دغه دوستي(!) خرابه نه شي. که پر فلسطین هره ناروا کېږي، نو حتماً پکې د یوه عرب شیخ لاس وي.

پر افغانستان هر هېواد خپل زور ازمایلی دی. له انگرېزانو سره نیمه نړۍ وه او هغه وخت د افغانستان نفوس به څلور میلیونه نه وو؛ خو دلته یې درې پرله‌پسې ماتې وخوړې او انگرېزان مجبور شول، چې  د افغانستان خپلواکي په رسمیت وپېژني. روسان هم د نړۍ د ایل کولو په نیت راووتل. د منځنۍ اسیا ټول هېوادونه یې ونیول؛ خو کله یې چې پښې افغانستان ته رادننه شوې؛ نو د بېرته وتلو لارې ټولې پرې بندې شوې. روسانو نه یوازې افغانستان پرېښود، بلکې د منځنۍ اسیا هېوادونه ته یې هم خپلواکي ورکړه او خپل پوځ یې ترې وویست.

روسان داسې په اسانه ونه وتل، بلکې دوه نیم میلیونه افغانان شهیدان شول، د پنځه میلیونه افغانانو هجرت او دوه میلیونه معیوب افغانان یې تر شا پرېښودل. د دومره قربانیو په پایله کې شوروي اتحاد ړنگ شو او یوازې اوسنۍ روسیه پاتې شوه.

د روسیې له شرموونکې ماتې وروسته امریکا د نړۍ واگې په لاس کې واخیستې. ځکه سر سخت سیاله«روسیه یې» ځپل شوې وه. د روسیې اقتصاد مات شوی و او خلک یې یوازې د گېډې مړولو په غم کې وو. د امریکا لاسونه تر افغانستان راوږده شول او د امریکا پخواني ولسمشر جورج ډبلیو بوش په ښکاره وویل: یا له امریکا سره او یا د دوی په اصطلاح له ترهگرو سره. نړۍ باید یو انتخاب ولري. د دغه اعلان وروسته د نړۍ وحشیان افغانستان ته راغلل. له ۲۰۰۱ نه تر ۲۰۱۸ پورې امریکا، ناټو او د دوی په لاس روزل شوي پوځ د افغانان وژلو له‌پاره له هرې نوې وسلې څخه کار واخیست. هره ورځ بمبار، انفجار، ودونه، جنازې، خیراتونه، عام بازارونه او هره شېبه مرگ او د درد د دوی د راتگ ثمرې دي، چې له تېرو اوولس کلونو راهیسې یې موږ گورو؛ خو  لا هم د دغه وحشیانو زړونه ساړه شوي نه دي او هره ورځ د یوې دردونکي خبر پیل وي.

په لومړیو کلونو کې هېچا فکر نه کاوه، چې تیت ـ پرک طالبان به بیا یو ځای کېږي او د امریکا پر وړاندې جهاد یوازې خیال و. طالبان بیا یو ځای شول او په لومړیو کې یې یوازې له ژېړو بوشکو کار اخیست. د امریکا پوځ نور د خپلو مړیو په لېږدولو ستړی و او ویجاړ شوي ټانگونه یې اوس هم په ځینو سیمو کې پاتې دي. دې مبارزې ډېر ژر ټول افغانستان ونیوه. طالبانو په تېرو اوولس کلونو کې داسې بریدونه وکړل، چې آن بارک اوباما یې هم په ژړا کړ. د «CIA» پر مرکز برید یې یوه وړه بېلگه ده، چې د امریکا د تاریخ کې داسې حیرانونکې پېښه نه وه شوې.

د امریکا پر وړاندې هر چا تر خپلې وسه مبارزه روانه ساتلې ده. بم، لور، چاقو او هر څه چې پر مخه ورغلي، مبارزینو ترې گټه اخیستې ده. دوه ورځې وړاندې د هغه ماشوم انځور د رسنیو د سرټکی شو، چې په ننگرهار کې یې یو امریکايي وویشت، خو له بده‌مرغه دغه ماشوم افغان پوځیانو شهید کړ او جسد یې هم کورنۍ ته نه ورکاوه، چې له څو ساعته ځنډ وروسته یې ورکړ.

امریکا باید له سیدمحمد زده کړه وکړي!

امریکا او کورني گوډاگیان باید پوه شي، چې دلته خلک تاسې نه غواړي او ستاسې مرگ ته ټول په انتظار ناست دي. که هغه سپین ږیري دي، که ماشومان دي، که ځوانان دي. امریکا دې په افغانستان کې خپل ۱۷ کلن موجودیت ته بیا سر ورښکاره کړي، چې دلته د دوی پر وړاندې خلکو څه ډول مبارزه کړې ده؟ د امریکا له دومره ټینکالوجۍ سره ـ سره بیا هم خلک قرار ناست شوي نه دي او لا هم غرونه له خلکو ډک دي.

که په وژنو، شکنجو، نیولو، ځورولو او بندي کولو خلک ډارېدی، نو اوس به یې وختي امریکا ته د غلامۍ سرونه ټیټ کړی وای؛ خو نه خلک ازادي غواړي او د امریکا وتل. د امریکا دویمه ماتې به دلته وي. امریکا به خپل تاریخ کې حتماً لیکي، چې له ویتنام وروسته موږ دویمه ماتې په افغانستان کې وخوړه. هغه ماتې داسې وه، چې د امریکا راتلونکي نسلونه یې به خپلو حافظو کې ساتي او بیا به پر کوم هېواد د یرغل کولو اراده نه کوي.

د سید محمد وصیت لیک

زه سید محمد له مور او ټول کور نه بښنه غواړم او د خان موبایل کې مې لږ، لږ پټ گیمونه او گوتې مې وهلي دي بښنه راته وکړه.

او له ما نه مشرانو څه بده خبره به مې درته کړي یې او په تیز غږ به مې خبرې درته کړي وي بښنه راته وکړئ. ما د مور څه خدمت نه دی کړی بښنه راته وکړئ، په کشرانو به مې شفقت نه وي کړی بښه دې راته وکړئ. او تومانچه مې بې اجازې وړې د جهاد لپاره الله به مو په کور کې برکت واچوي بښنه راته وکړئ الله جل جلاله دې ماته شهادت رانصیب کړي.

د جمعې په ورځ به ان شاءالله جهاد ته ځم الله جل جلاله دې شهادت رانصیب کړي. سبزي یا نور خوراکي غذاء رانه راغوښتې وي څه کمی به رانه شوی وي پکې بښنه راته وکړئ. د قیامت ورځ ډېره سخته ده. مور، پلار، تره، دتره زامن، خور، گاونډیان ټول راته بښنه وکړئ.

ټېګونه

اړوند مطالب

ځواب دلته پرېږدئ

ستاسو برېښناليک به نه خپريږي. غوښتى ځایونه په نښه شوي *

Close