شهــــادت

عُقابD جانان

شهادت ابدي ژوند دی، شهادت د رب نعمت دی

شهادت لويي اعزاز دی، شهادت ستر سعادت دی

شهادت د ژوند زکوة دی، صدقه ده نذرانه ده

شهادت د رب لقاء ته لنډه لار ده، قرابت دی

شهادت د ژوند بقاء ده، ابتداء ده، انتهاء ده

شهادت د رب رضا ده، کاميابي ده، بشارت دی

شهادت د عشق آغاز دی، نورو مينو نه ممتاز دی

شهادت په وچو شونډو د وصال شرين شربت دی

شهادت د مينې حق دی، شهادت پر عاشق پور دی

شهادت کې عجيب خونددی، شهادت کې ډېر لذت دی

شهادت د محمد رسول الله يو ستر ارمان ؤو

شهادت د اصحابانو ستر مقام او شان شوکت دی

شهادت “عُقابي” غوره طريقه د بندګۍ ده

شهادت عبادتونو کې ځانګړی عبادت دی

اړوند مطالب

ځواب دلته پرېږدئ

ستاسو برېښناليک به نه خپريږي. غوښتى ځایونه په نښه شوي *

Close